16 tamyzda Oral qalalyq soty BQO äkımınıŋ būrynǧy bırınşı orynbasary Erjan Baltaev pen "SPK Aqjaiyq" basqarma töraǧasynyŋ bırınşı orynbasary Artur Dosqalievke qatysty ükım şyǧardy, dep habarlaidy “Adyrna” ūlttyq portaly.
Aqparatqa säikes, sot eks-şeneunıkterdı qyzmettık ökılettıkterın asyra paidalanǧany üşın kınälı dep tapty. Sot ükımıne säikes, Erjan Baltaevqa 2500 AEK kölemınde nemese 8,6 million teŋge aiyppūl salyndy. Sonymen qatar, Erjan Baltaev memlekettık qyzmette jūmys ısteu qūqyǧynan ömır boiyna aiyryldy.
Al Artur Dosqaliev 1000 AEK nemese 3,4 million teŋge aiyppūl töleuı kerek. Olar aiyppūldardy bır ai ışınde töleuge mındettı. Olai bolmaǧan jaǧdaida, aiyptaluşylar qamauǧa alynady.
BAQ ıs materialdaryna sılteme jasai otyryp, Baltaev Dosqalievke ekı adamdy jūmysqa qabyldau turaly nūsqau bergenın jazady. Olar öz kezegınde ıs jüzınde jūmys ıstemedı, bıraq bırneşe ai boiy jalaqy aldy. Memleketke keltırılgen şyǧyn 1,9 million teŋge.
Baltaev BQO äkımınıŋ bırınşı orynbasary lauazymynda aǧymdaǧy jyldyŋ qaŋtar aiynan bastap bes ai qyzmet atqardy. Taǧaiyndalǧanǧa deiın ol Astana qalasynyŋ İnvestisiialar jäne käsıpkerlıktı damytu basqarmasynyŋ basşysy bolyp jūmys ıstedı. Al būǧan deiın ol "Astana Invest"qalalyq investisiialardy damytu ortalyǧynyŋ basqarma töraǧasy bolǧan.
