Sádibek Túgel 2019 jylǵy prezıdent saılaýyna túsýge birinshi bolyp kandıdatýrasyn usyndy
Ortalyq saılaý komıssııasyna birinshi bolyp qujattaryn tapsyrǵan, "Uly dala qyrandary" respýblıkalyq qozǵalysy atynan prezıdenttikke úmitker Sádibek Túgel Sputnik Qazaqstan tilshisine nege saılaýǵa túskisi keletinin aıtty.
Sádibek Túgel nege prezıdent bolǵysy keledi?
"Qoǵamdy sóz júzinde ǵana emes, is júzinde demokratızaııalaýǵa belsendi atsalysqym kelgen soń, osyndaı sheshim qabyldadym. Elimizdegi ahýaldy jaqsartsam deımin", - dep prezıdenttikke úmitker Sádibek Túgel oıymen bólisti.
Kandıdat saılaý aldy naýqanyna ázirlep otyrǵan tujyrymdarymen de bólisti. Jazýshy Sádibek Túgel saıası júıeni, ekonomıkany, mádenıet jáne bilim salasyn reformalaýdy usynady, sondaı-aq eldegi jemqorlyqtyń túbegeıli joıýdy kózdeıdi.
"Eshbir partııanyń quramynda joqpyn. Men "Uly dala qyrandary" respýblıkalyq qozǵalysynyń atynan táýelsiz kandıdatpyn. Meniń uranym: "Ádildik, teńdik, bostandyq", - dedi ol.
Uly dala qyrandary
"Uly dala qyrandary" respýblıkalyq qozǵalysy 2011 jyly 12 qazanda qurylǵan. Qoǵamdyq uıym mádenı jáne ulttyq qundylyqtardy damytýmen aınalysady.
