Almaty oblysynda Sosialistık Eŋbek Erı Dınmūhamed Qonaevtyŋ jüldesıne arnalǧan ūlttyq at sporty türlerınen jäne jaǧajai voleibolynan aşyq turnir öttı

2033
Adyrna.kz Telegram
https://adyrna.kz/content/uploads/2023/08/img-20230820-wa0080.jpg

Bügın Qarasai audany «GULNAR BAQ» demalys jäne sport bazasynda asa körnektı memleket jäne qoǧam qairatkerı, üş märte Sosialistık Eŋbek Erı Dınmūhamed Qonaevtyŋ jüldesıne arnalǧan ūlttyq at sporty türlerınen jäne jaǧajai voleibolynan Almaty oblysynyŋ aşyq turnirı öttı.

Jarystyŋ aşylu saltanatynda memleket basşysy Q.K.Toqaevtyŋ qūttyqtau hatyn onyŋ keŋesşısı Mälık Nūrjanūly oqyp, el prezidentınıŋ arnaiy tılegın jetkızdı. Prezidenttıŋ qūttyqtau sözınde: «Dınmūhammed Ahmetūly Qonaev – Qazaqstandy ūzaq jyl basqaryp, elımızdı örkendetuge ölşeusız üles qosty. Halqyna adal qyzmet etıp, jūrtşylyqtyŋ ystyq yqylasyna bölendı. Halqymyz ūly tūlǧanyŋ elge sıŋırgen eŋbegın eşqaşan ūmytpaidy. Qapşaǧai qalasynyŋ Qonaev bolyp özgertıluı – sonyŋ aiqyn dälelı. Ardaqty azamattyŋ ömır joly öskeleŋ ūrpaqqa ärdaiym ülgı-önege bolary sözsız» - delındı.

 Sonymen qatar, atalǧan şaraǧa Almaty oblysy äkımınıŋ bırınşı orynbasary Nūrlan Erǧaliūly, memleket qairatkerlerı jäne elımızdıŋ öner, ǧylym, qūrylys, äskeri saladaǧy belgılı azamattary qatysyp, ızgı tılekterın bıldırdı.

Bırneşe jyl qatarynan osy jarystyŋ ūiymdastyryluyna mūryndyq bop kele jatqan general-leitenant Amangeldı Şabdarbaev sahnadan barlyq qonaqtarǧa alǧysyn jetkızdı. Sonadi-aq, Amangeldı Smaǧūlūlyna Almaty oblysy äkımı Marat Sūltanǧazievtıŋ atynan ūlttyq sportty damytuǧa qosqan ülesı üşın Alǧys hat tabystaldy.

Voleibol jarysyna biyl 32 komanda qatyssa, bäigege elımızdıŋ barlyq aimaǧynan säigülıkter saiysqa tüstı.

Jarys nätijesı tömendegıdei.

Top bäige (15 şaqyrym)

I. Roza aty - iesı Merhat Būlǧynov (Almaty oblysy, Talǧar audany)

II. Būlbūl aty - iesı Arystan Küdebaev (Almaty oblysy, Jambyl audany)

III. Baian aty - iesı Äli Nūrmūhametov (Jambyl oblysy, Qordai audany)

Alaman bäige (25 şaqyrym)

I. Aisuat aty - iesı Baqytbek Myrzabaev (Almaty oblysy, Jambyl audany)

II. Padişa aty - iesı Älımtai Moldaseitov (Jambyl oblysy, Qordai audany)

III. Saudiia aty - iesı Nail Fahriev (Jambyl oblysy, Qordai audany)

Jeŋımpazdarǧa avtokölık kıltı, al jüldegerlerge aqşalai syiaqy tabys etıldı.

Sporttyq şara aiaqtalǧan soŋ 2000 adamǧa as berıldı.

 

Pıkırler