Semeide Qaŋtar oqiǧasy kezınde Jandos Jotabaevty azaptap öltırdı dep aiyptalǧan poliseilerge qatysty ükım şyqty, dep habarlaidy “Adyrna” ūlttyq portaly.
Qalalyq sot ekı polisiia qyzmetkerın "Qatygez, adamgerşılıkke jatpaityn nemese qadır-qasiettı qorlaityn qarym-qatynas, azaptaular" babymen aiypty dep tanyp, ärqaisysyna 4 jylǧa şartty türde bas bostandyǧynan aiyru jazasyn taǧaiyndady. Sondai-aq olar jäbırlenuşı tarapqa şamamen moraldyq şyǧyn retınde 4,5 million teŋge ötemaqy töleuge mındetteldı, delıngen habarlamada.
Al prokuror sottan Qanaqynov pen Aǧzamovty 6 jylǧa türme jazasyna kesudı sūraǧan.
Sondai-aq, sot kezınde körsetılgen videoda poliseilerdıŋ äreŋ qozǧalyp jatqan Jotabaevty tepkılep jatqany körınedı. Degenmen, aiyptaluşy poliseiler sotta özderıne taǧylǧan aiypty moiyndamady. Olar küş qoldanu äreketı bar bolǧany qyzmettık mındettı oryndau aiasynda ǧana jürgızılgenın aityp aqtaldy.
Sottaluşylardyŋ jasy nebärı 23 jäne 27 jasta.
Eske sala ketsek, Jandos Jotabaev qaŋtar oqiǧasy kezınde mitingke qatysqany üşın qamauǧa alynǧan. Is materialdaryna säikes, 36 jastaǧy Jotabaev 2022 jyly 17 qaŋtarda uaqytşa ūstau izoliatorynda köz jūmǧan. Ol 6 qaŋtarda ūstalǧan edı. Medisinalyq saraptama kezınde Jotabaevtyŋ 11 qabyrǧasy synǧany, ökpesınıŋ ısıp ketkenı anyqtalǧan. 10 künnen keiın ol qaitys boldy.
