Almatyda "Jaŋa Qazaqstan forumy" qoǧamdyq ūiymy arnaiy baspasöz mäslihatyn ötkızıp, prezident sailauyna "Ūlt taǧdyry" qozǧalysy atynan öz ümıtkerı retınde belgılı saiasatker Ämırjan Qosanovty ūsynatynyn mälımdedı
"Ūlt taǧdyry" qoǧamdyq qozǧalysy Qazaqstan prezidenttıgıne Ämırjan Qosanovtyŋ kandidaturasyn ūsyndy , dep habarlaidy Sputnik Qazaqstan
Osyǧan deiın Ämırjan Qosanov Qazaqstandaǧy oppozisiialyq partiialar basyn qosyp, aldaǧy sailauǧa öz kandidaturasyn ūsynsa, ony qoldap, qosşy boluǧa daiyn ekenın mälım etkenın aitady.
"Alaida, ökınışke qarai, olar auyzbırşılık tanyta almady. Sondyqtan aldaǧy sailauǧa ūlşyldar öz ümıtkerın ūsynu turaly şeşım qabyldap, menı taŋdady. Būl ümıttı aqtauǧa tyrysamyn", - dedı Qosanov baspasöz mäslihatynda.
Ämırjan Qosanov 1964 jyly Qyzylorda oblysy Sapaq auylynda düniege kelgen. Belgılı saiasatker. Negızgı mamandyǧy jurnalist. 1994-1997 jyldary Äkejan Qajygeldin basqarǧan ükımettıŋ baspasöz hatşysy boldy. 1998 jyly Qajygeldin basqarǧan Qazaqstan Halyq partiiasy töraǧasynyŋ orynbasary, 2005 jyly Jalpyūlttyq sosial-demokratiialyq partiiasy töraǧasynyŋ orynbasary qyzmetın atqardy. 2009 jyly JSDP men Azat partiialary qosyldy. Ol osy bırıguge at salysyp, partiia basşylyǧynda bolǧan tūlǧanyŋ bırı. Degenmen 2013 jyly partiia ışınde ırıtkı bolyp, ol lauazymdy qyzmetınen bosady. Al byltyr mamyr aiynda "Jaŋa Qazaqstan forumy" qoǧamdyq ūiymy qūryldy. Oǧan "Ūlt taǧdyry", "Altynbek Särsenbaiūly qory", "Bolaşaq" jastar qozǧalysy tärızdı bırneşe qoǧamdyq ūiym endı. Ämırjan Qosanov ta bügınderı osy forumnyŋ müşesı. Osylaişa oppozisiialyq ūiymdardan köŋılı qalǧan saiasatker soŋǧy kezderı ūltşyldar qataryna kelıp qosylǧan.
