QR Syrtqy ıster ministrlıgı Reseidıŋ Almatydaǧy būrynǧy bas konsuly Evgenii Bobrovtyŋ Qazaqstanda orystıldıler sanynyŋ azaiyp bara jatqany turaly mälımdemesın joqqa şyǧaryp otyr, dep habarlaidy “Adyrna” tılşısı KazTag-qa sılteme jasap.
«Mümkın, būl adam elde bız baiqaǧan aqparattyŋ barlyǧynan habardar bolmaǧan şyǧar. Mende Bılım ministrlıgınen alynǧan derekter bar, qai mektepterde qai tılde oqytylady. 7711 memlekettık mekteptıŋ 3957-sı tek qazaq tılınde bılım beredı. 1203 mektep orys tılınde. Al 2551 mektep qazaq jäne orys tılınde. Sonymen qatar, elımızdegı barlyq mektepterdı tek qana qazaq tılınde oqytuǧa tolyq köşıru josparda joq. Bügınde azamat balasynyŋ qai tılde oqytylatynyn özı taŋdauǧa qūqyly», - dep tüsındırdı QR Syrtqy ıster ministrlıgınıŋ resmi ökılı Aibek Smadiiarov Bobrovtyŋ sözıne.
Ol diplomattyŋ özı respublikadan şyǧyp ketkenın atap öttı.
Būǧan deiın Bobrov reseilık BAQ-qa «orys tılın qoldanu men üirenu deŋgeiınıŋ belgılı bır deŋgeide tömendegenın» aitqan edı.
Ūqsas jaŋalyqtar
