Bügın, Konstitusiia künınıŋ qarsaŋynda Qonaev qalasy Şeŋgeldı auyldyq okrugıne qarasty Qosqūdyq auylynda 100 oryndyq mektep qoldanysqa berıldı.
Būǧan deiın oquşylar 1952 jyly salynǧan oqu oşaǧynda bılım alǧan. Mektep "Halyq igılıgı" qoǧamdyq qorynyŋ qarjysyna salynǧan. Oǧan 750 mln teŋge aqşa jūmsalǧan. 767 adam tūratyn būl auylda 86 bala oqidy. Al biyl 1-synypqa 5 oquşy qabyldanbaq.
Oqytu memlekettık tılde, bır auysymda jürgızıledı. Mūnda 24 oqu kabinetı, 2 şeberhana, kompiuterlık synyp, 3 arnaiy kabinet (fizika, himiia, biologiia), 3 interaktivtı taqta, akt jäne sport zaldary, 60 oryndyq ashana, oqu zaly bar kıtaphana, medisinalyq kabinet bar. Mektepte 20 mūǧalım qyzmet etedı.
Bılım oşaǧynyŋ aşylu saltanatyna oblys äkımı Marat Sūltanǧaziev arnaiy qatysyp, tūrǧyndardy quanyşty künmen qūttyqtady.
"Barşaŋyzdy 2023-2024 oqu jylynyŋ bastaluymen, memleketımızdıŋ Konstitusiiasy künımen jäne jaŋa mekteptıŋ aşyluymen qūttyqtaimyn! Bırer künnen keiın oblysymyzdaǧy 456 mektep esıgın aiqara aşyp, 330 myŋnan asa oquşy oqu jylyn bastaidy. Bız öz tarapymyzdan balalarymyzdyŋ öz zamandastarymen teŋ därejede zamanaui mektepterde bılım aluy üşın barlyq mümkındıkterdı qarastyrudamyz", - dedı Marat Sūltanǧaziev.Öŋır basşysynyŋ sözınşe, oqu ordasynyŋ boluy - jas mamandardy auylǧa tartuǧa septıgın tigızedı.
"Būl mekennıŋ damu potensialy joǧary. Qasynda temırjol stansasy bar, oblys ortalyǧyna jaqyn ornalasqan. Jaŋa mektep boi kötergenıne tūrǧyndar dän riza bolǧanyn baiqadyq. Mektep - maŋyzdy infraqūrylymdyq nysan. Onyŋ arqasynda jas mamandardy, otbasylardy tartyp, auylǧa jan bıtıruge bolady. Būl - eldımekennıŋ damuyna tyŋ serpın bolary da anyq", - dedı oblys äkımı.Sonymen qatar ol Qosqūdyqta mektep aşyluyna ūiytqy bolǧan Aldabergen Däuren Qanatūlyna alǧysyn bıldırdı. Saltanatty şarada Almaty oblysynyŋ būrynǧy äkımı, memlekettık qoǧam qairatkerı Qanat Bozymbaev ta söz aldy.
"Bügın - men üşın, bala-şaǧam üşın quanyşty kün. Osy uaqytqa deiın bırneşe mektep salynyp jatqanda basy-qasynda jürdım. Üles qosyp jürsem de, däl qazırgıdei tolqyǧan emespın. Öitkenı, osy auylda äkem Aldabergen tuyp ösken. Jaŋa mekteptı ūlym Däuren salyp berıp otyr. Onyŋ būl ısı - köŋılımdı kökke köterdı. Auyldyq mektepte balalar bılım alyp, ösedı degen ümıttemız. Olar osy jerden ülken ömırge qadam jasaidy. Balalarymyz bolaşaqta elımızdıŋ myqty azamattarynyŋ qatarynda bolatynyna senemız", - dedı Qanat Bozymbaev."Halyq igılıgı" qoǧamdyq qory mektep ūjymyna Suzuki markaly avtokölıgın syiǧa tartty. Būdan bölek, qor köpbalaly, äleumettık osal toptan şyqqan 12 balany mektepke daiarlap, qūral-jabdyqtarmen, mektep formasymen qamtamasyz ettı. Jalpy Almaty oblysynda biyl 15 750 oryndyq 16 mekteptıŋ qūrylysy jürgızılgen. Onyŋ 9-y 1 qyrküiekte aşylady. Olar: • Almalybaq, Irgelı orta mektepterıne qosymşa 600 oryndyq japsarjailar; • Qonaev qalasynda 900 oryndyq mektep; • Ūzynaǧaş auyly; • Kökqainar, Boraldai, Mejdurechensk auyldaryna ortaq mektep; • Qaskeleŋ qalasy; • Esık qalasy.
