Resei jäne Resei emester. AES salu boiynşa deputattar ne deidı?

3159
Adyrna.kz Telegram
https://adyrna.kz/content/uploads/2023/09/9d830bd1-19b7-41a0-9f13-48498ddf2c89.jpeg

Memleket basşysy Qasym-Jomart Toqaev qoǧamda qyzu talqylanyp jatqan atom elektr stansiiasyn salu mäselesın "referendum arqyly şeşken dūrys" dep mälımdedı. Al referdumda qandai sūraqtar qoiylady? «Qarsysyz ba, qoldaisyz ba?» degen saualdan bölek, «AES-ty qai memleket salǧan dūrys» degen sūraq qoiyla ma?

«QARSYLASTARDYŊ QATARYNAN TABYLAMYN»

Qoǧamda AES-tyŋ salynǧany jön, bıraq ony Resei emes, Fransiia, Japoniia nemese Oŋtüstık Koreia sekıldı memleketter salǧany jön degen pıkır aitylady. Referendumda tört memlekettıŋ bırın taŋdau mümkındıgı berılu kerek pe?

Mojaritarlyq sailau jüiesı boiynşa Batys Qazaqstan oblysynan sailanǧan Abzal Qūspannyŋ aituynşa, «AES-ty qai memleket salu kerek?» degen sūraq öte maŋyzdy.

«Bıraq men ondai sūraqtyŋ qoiylar-qoiylmasyn naqty bılmeimın. Äitse de öz basym ekınşı sūraq bolu kerek dep esepteimın. Bızge damyǧan ärı keiın qauıpsızdık jaǧynan mäsele tudyrmaityn elder AES salu kerek. Mysaly, keibır azamattar «AES salynsa salynsyn, bıraq ony Resei salmauy kerek» dep sanaidy. Būl pıkırdı öz basym qoldaimyn», – deidı ol.

Deputattan «Ükımet AES-tı Reseidıŋ saluyna jūmys ıstep jatqan joq pa?» dep sūradyq.

«Äzırge olai dep oilauǧa negız joq. Bıraq tap solai bolatyn bolsa, qarsylastardyŋ qatarynan tabylamyn. AES-ty Qazaqstanǧa qauıp tudyrmaityn Fransiia sekıldı el salsa eken dep oilaimyn», – dedı ol.

«FRANSİIа SALǦANYN QALAIMYN»

Al  «Respublika» partiiasynyŋ töraǧasy ärı mäjılıs deputaty Aidarbek Qojanazarov AES-tı Reseidıŋ salǧanyn qoldamaitynyn aitty.

"Menıŋ oiymşa, ekınşı sūraq qoiyluy kerek. Būǧan deiın būl mäselenı jurnalistpen talqylaǧan bolatynmyn. Negızı AES salyp jatqan memleket strategiialyq eşqandai konflikt tudyrmaityn

memleket boluy kerek. Iаǧni, erteŋ künı ol memleket qiyndyq tudyrmauy jäne eŋ bastysy tehnologiiasy zaman talabyna sai ozyq boluy kerek. Äitse de "AES-ty qai memleket salu kerek?" degen sūraqqa jauap beru üşın bılıktı maman bolu kerek qoi. Emosionaldyq sūraq bolmauy kerek. Mysaly Fransiia, Oŋtüstık Koreia AES salatyn bolsa, sız qaisyn taŋdaisyz? Reseidı ädeiı aitpai otyrmyn", – dedı partiia töraǧasy.

Aidarbek Qojanazarov AES-tı Reseiden basqa täjıribesı mol Japoniia, Fransiia siiaqty memleket jaqsy salatynyn eskerttı. Äitse de saiasatker ekı memlekettıŋ bırın taŋdau kerek bolsa, Fransiianyŋ AES salǧanyn qoldaitynyn jetkızdı.

«BIR SŪRAQPEN ŞEKTELMEU KEREK»

Abzal Qūspan men Aidarbek Qojanazarovtan qaraǧanda «Amanat» partiiasynyŋ deputattary asa saq söileuge tyrysty. Mäselen Elnūr Beisenbaev «AES-tı qai memleket salu kerek?» degen sūraqtyŋ kün tärtıbınde tūrmaǧanyn aitty.

«Bırınşı, eŋ tömengı deŋgeide är auyl, audan tūrǧyndarynyŋ qatysuymen qoǧamdyq tyŋdau ötkızemız. Ol qoǧamdyq tyŋdauǧa ekologtardan bastap, energetikter sekıldı bılıktı azamattar atsalysu kerek. Odan keiın sız aitqandai Fransiia, Japoniia, Resei sekıldı elderden sapaly oiyn aitatyn halyqaralyq ekspertterdı şaqyru kerek. Ekınşı sūraq qoiylu qajet pa, joq pa, ony aqyldasu kerek. Men bır sūraqpen şektelu qajet emes dep esepteimın. AES salu boiynşa bırneşe sūraq boluy mümkın. Onyŋ ışınde «AES-ty salu qajet pe, qajet emes pe?», «AES-ty qai jerde salu kerek?» jäne AES-ke bölınetın qarjy da nazardan tys qalmau kerek», – deidı ol.

Serık Joldasbai

«Adyrna» ūlttyq portaly

Pıkırler