“Mecenat.kz” ädebi baiqauyna ötınım qabyldau bastaldy

“Mecenat.kz” ädebi baiqauynyŋ III mauysymyna romandardy qabyldau bastaldy. Ötınımderdı qabyldau 2024 jyldyŋ 14-säuırıne deiın jalǧasady, dep habarlaidy “Adyrna” tılşısı. “Mecenat.kz” ädebi baiqauy III mausymyn aşyq dep jariialap, ötınımderdı qabyldaudy bastady. Qazaqstan turaly qazaq nemese orys tılınde jazylǧan şyǧarmalar qabyldanady. Baiqauǧa qatysatyn romannyŋ kölemı - bos oryndarmen eseptegende 150 000 belgıden bastap, 300 000 belgıge deiın boluy şart. Ötınımderdı qabyldau 2024 jyldyŋ 14-Säuır künı, saǧat 15:00-de (Astana uaqytymen) aiaqtalady. Baiqau erejesıne basqa da özgerıster engızılgen. Baiqauǧa qatysuşy ötınımdı dūrys, talapqa sai qylyp ūsynuy tiıs ekenın, ötınımde qandaida bır qatelık bolsa, qatysuşy özı jauap beretının ūiymdastyruşylar eskertedı. Baiqaudyŋ erejelerıne sai kelmeitın, erejenı būzǧan qoljazbalar baiqaudyŋ kez-kelgen kezeŋınde şettetıledı. Baiqaudyŋ jalǧyz jeŋımpazy bolady jäne ol ömır boiyna aiyna 500 AQŞ dollaryn alyp otyrady. İdeia avtory jäne jobanyŋ ūiymdastyruşysy - Erlan Asqarbekov. Joba mesenaty - qazaqstandyq finansist Timur Turlov