Túrkııa prezıdenti Rejep Taıyp Erdoǵan Pýtınmen bolǵan kezdesýden keıingi baspasóz máslıhatyna qatysyp, "mánsiz mámile" jaıyn aıtty. Prezıdenttiń aıtýynsha, astyq saýdasyna qatysty kelissóz sátsiz aıaqtalǵan. Naqtyraq aıtqanda, Reseı Federaııasynyń prezıdenti óz talaptaryn alǵa tartyp, kelisimdi jańartýdan bas tartqan, dep habarlaıdy "Adyrna" ulttyq portaly.
Túrkııa basshysy Rejep Taıyp Erdoǵanmen men Reseı prezıdenti Vladımır Pýtın 4 qyrkúıek, dúısenbi, kúni Sochıde bas qosty. Atalmysh kezdesýde ýkraın astyǵyn Qara teńizge eksporttaýǵa múmkindik beretin "astyq mámilesi" sátsiz aıaqtalyp, bul baǵyttaǵy saýda-cattyqty qaıta jańǵyrtý jaıy ońynan sheshilmedi.
Reseı prezıdenti mundaı kelisimniń tek "Reseı agroóniminiń eksportyna shekteýler alynyp tastalǵan" jaǵdaıda ǵana maquldanýy múmkin ekenin baspasóz máslıhatynda aıtty. Munymen qosa, Reseı tarapynyń 1 mıllıon tonna astyqty "Túrkııada óńdep, sodan keıin kedeı elderge arzandatylǵan baǵamen taratýdy" uıymdastyratynyna ýáde berdi.
Oraıy kelgende aıta keteıik, Qara teńiz arqyly astyq jetkizý Reseı, Ýkraına, Túrkııa jáne BUU taraptarynyń 2022 jyldyń shildesinde qol qoıǵan kelisimi negizinde júzege asýy kerek bolatyn. Mámile Qara teńiz arqyly astyqty qaýipsiz eksporttaý máselesin zańdastyrady.
2023 jyldyń 18 naýryzynda mámileniń alǵashqy merzimi aıaqtaldy. Zań boıynsha, múddeli taraptar qarsylyq tanytpasa, mámile ózdiginen taǵy 120 kúnge uzartylýy kerek edi. Degenmen Reseı mámileni tek 60 kúnge uzartatynyn habarlady. 17 shildede Reseı Federaııasy prezıdentiniń baspasóz hatshysy Dmıtrıı Peskov "Reseı Federaııasynyń astyq mámilesinen shyǵatynyn" jarııalady. Ol Qara teńiz kelisimderindegi "Reseı múddesine qatysty tustar áli oryndalmaǵanyn" atap aıtty.
"Adyrna" ulttyq portaly
