Almatyda oquşylardy jaŋa avtobustermen tasymaldaityn "Mektep avtobusy" pilottyq jobasy ıske qosyldy

1796
Adyrna.kz Telegram
https://www.adyrna.kz/images/default-cover.jpg
Almatyda oquşylardy jaŋa avtobustermen tasymaldaityn "Mektep avtobusy" pilottyq jobasy üş kün būryn ıske qosyldy. Bügın de qoǧamdyq kölıkter 8258 oquşyny 30 mektepke tasymaldar jatyr. Aita keterlıgı, būl auqymdy ärı maŋyzdy jobany ıske asyruǧa qala äkımı Erbolat Dosaev tapsyrǧan edı. Avtobustar bılım basqarmasynyŋ kömegımen satyp alyndy. Naqtyraq toqtalsaq, bır qoǧamdyq kölıktegı 50-ı 21 oryndyq jäne 40 oryndyq 50 avtobus. Pilottyq jobany ıske qosudaǧy basty maqsat - şalǧai auyldarda tūratyn jäne kışkentai oquşylardy tasymaldau. Mysaly, №210 mektep-liseiıne yqşamaudannan 222 bala tasymaldanady. «Baibesık» jäne «Ūljan-2» yqşamaudanynan 148 bala,  №200 mektep-gimnaziiasyna Abai saiajaiynan 241 oquşyny tasymaldaidy. №162 mektep-gimnaziiasyna 175 balany «Jas Qanat» yqşamaudanynan, al №183 jalpy bılım beretın mektepke mektep avtobusy saiajai alabynan jäne «Asqartau» yqşamaudanynan 76 oquşyny alyp keledı. Mektep avtobustary barlyq halyqaralyq qauıpsızdık standarttary men tehnikalyq talaptarǧa säikes keledı: apattyq şyǧu, qauıpsızdık beldıkterı, mümkındıgı şekteulı balalarǧa arnalǧan pandus, ört qauıpsızdıgı jüiesı. Almaty qalasy äkımınıŋ orynbasary Äsem Nüsıpova atap ötkendei, är mektep boiynşa marşruttyq paraqtar äzırlendı. Būl mektepke deiın jetkızudı qajet etetın barlyq balany qamtu üşın jasalady. «Mektep avtobusy» jobasynyŋ ekınşı kezeŋın ıske asyru üşın Almaty qalasy qalalyq mobildılık  basqarmasy 2024 jyly qala mektepterı üşın qosymşa 50 avtobus satyp aludy josparlap otyr.
«Bügıngı taŋda balalardy otyrǧyzu jäne tüsıru üşın arnaiy aialdamalar bar. Sol baǧyt boiynşa oquşylarmen bırge arnaiy mūǧalımder de erıp jüredı.  Jobany odan ärı keŋeitudıŋ arqasynda 12500 bala qamtylady. Bızdıŋ baǧalauymyzşa, däl osy 1-11 synypqa deiıngı balalarǧa mektepke qatynau üşın mektep avtobustary qajet»,-dedı ol.
Almaty qalasy Bılım basqarmasynyŋ basşysy Läzzat Jylqybaevanyŋ aituynşa, qazır 30 mekteptıŋ barlyǧynda oquşylardy tasymaldauǧa kelısım-şart jasalǧan. Būl üşın biudjetten 1,4 mlrd teŋge qarastyrylǧan.
«1 qyrküiekten bastap barlyq avtobus tiıstı qauıpsızdık şaralaryn saqtai otyryp, bekıtılgen marşruttar boiynşa balalardy tasymaldaidy. «Mektep avtobusy» jobasyn jüzege asyru oquşylardyŋ qauıpsızdıgın qamtamasyz etedı», - dedı Läzzat Äueshanqyzy.
Pıkırler