Búgin Jezqazǵan qalasy Talap aýylynda qala kúnine oraı kirpish óndiretin zaýyttyń ashylý saltanaty ótti, dep habarlaıdy “Adyrna” ulttyq portaly.
Zaýytty Ulytaý oblysynyń ákimi Berik Ábdiǵalıuly arnaıy kelip ashyp, kásipkerlerge sáttilik tiledi.
Zaýyttyń salynýy 2022 jyly bastalyp, búgingi kúni tolyǵymen ónim shyǵarýǵa daıyn. Zaýyt 60 jumys ornyn qamtıdy jáne joǵarǵy sapaly keramıkalyq kirpishti ózimizde shyǵarýǵa zor múmkindik beredi. Zaýytta jylyna 20 mln. dana kirpish óndiriledi dep kútilýde.
Óndiris baǵdarlamasy Qyzylorda oblysyndaǵy keramıkalyq kirpish óndirý naryǵynda jeke kásipker Bekmuratov Telıbaıdyń jumysynyń 10 jyldan astam tájirbıesi negizinde jasaldy.
Zaýyt dırektory, jeke kásipker T. Bekmuratov zaýyttyń ashylýyna qoldaý kórsetken Jezqazǵan qalasynyń ákimi Q.Shaıjanov pen Talap aýylynyń ákimi Q. Bapanovqa alǵys bildirip, Ulytaý oblysyna kásip ashýǵa barlyq óńirdiń kásipkerlerin shaqyrdy.
"Alpystan astam jańa oryn ashylyp, ulytaýlyqtar turaqty jumyspen qamtylatyn bolady. Onymen qosa, Ulytaý oblysynyń qurylys-montajdaý obektileri, qurylys bazarlary óz ónimimizdi qoldanady. Bul - barlyǵymyz úshin de ıgi bastama dep bilemin", - dedi óńir basshysy.
