Otandyq loukoster - Fly Arystan äue kompaniiasynyŋ alǧaşqy jolauşylary elordaǧa Roza Baǧlanova atyndaǧy Airbus A320 ūşaǧymen ūşyp keldı. Elımızdegı alǧaşqy loukoster – Fly Arystan biudjettık äue kompaniiasy Almatydan Nūr-Sūltan qalasyna alǧaşqy reisın oryndady, dep habarlaidy Sputnik Qazaqstan tılşısı.

"Nazarbaevtyŋ tapsyrmasy oryndaldy"
Alǧaşqy ūşaqty qarsy aluǧa "Samūryq Qazyna" ūlttyq äl-auqat qory" AQ basqarma töraǧasy Ahmetjan Esımov, industriia jäne infraqūrylymdyq damu ministrı Roman Skliar, "Eir Astana" kompaniiasy tobynyŋ prezidentı Piter Foster keldı.
"Samūryq Qazyna" ūlttyq äl-auqat qory" AQ basqarma töraǧasy Ahmetjan Esımov, industriia jäne infraqūrylymdyq damu ministrı Roman Skliar jäne "Eir Astana" kompaniiasy tobynyŋ prezidentı Piter Foster.
"Osydan tura jarty jyl būryn Elbasymyz Nūrsūltan Nazarbaev halyqqa tiımdı, arzan äue kompaniiasyn aşu turaly tapsyrma bergen edı. Sol tapsyrma bügın oryndalyp otyr. Ülken jüielı jūmys atqaryldy. Bırınşı ūşaq Almatydan elordamyzǧa qondy. Bügıngı künnen bastap endı Qazaqstannyŋ basqa da qalalaryna baǧyttar aşylady. Bügın bız üşın aituly kün desek te bolady", - dedı Esımov.
İndustriia jäne infraqūrylymdyq damu ministrı Roman Skliar Qazaqstanda jyl saiyn äue jolauşylarynyŋ sany artyp kele jatqanyn tılge tiek ettı. Mäselen, byltyr şamamen 8 million jolauşy tasymaldanǧan, būl 2017 jyldyŋ körsetkışınen 6 prosentke artyq.
"Bügınde halyqaralyq praktikadan körıp otyrǧanymyzdai, äue jolauşylary üşın şyǧyny az loukosterler belsendı damyp keledı. Olar qarqyny jaǧynan klassikalyq äue kompaniialaryn basyp ozuda", - dedı Skliar.
Biletı arzan äue kompaniiasynyŋ jospary qandai
"Eir Astana" kompaniiasy tobynyŋ prezidentı Piter Foster jurnalisterge qazaqstandyq loukosterdıŋ jospary turaly aityp berdı. "Qazır būl ūşaq Tarazǧa, Qaraǧandy, Oralǧa ūşady. Osy aida Pavlodar men Şymkentke reister aşylady", - dedı ol. Onyŋ aituynşa, aldaǧy uaqytta halyqaralyq reister aşu josparlanyp otyr.
© SPUTNIK / ABZAL KALİEV.
"Samūryq Qazyna" ūlttyq äl-auqat qory" AQ basqarma töraǧasy Ahmetjan Esımov, industriia jäne infraqūrylymdyq damu ministrı Roman Skliar jäne "Eir Astana" kompaniiasy tobynyŋ prezidentı Piter Foster
"2020 jylǧa josparlap otyrmyz. Ystyqköl men Alaköl baǧyttaryn qarastyryp jatyrmyz. Bıraq naqty datasyn aita almaimyn", - dedı ol.
Ūşaqtaǧy tamaqtyŋ baǧasy
Ruslan Tagaev Fly Arystan-nyŋ alǧaşqy jolauşylarynyŋ bırı. Almatydan ūşyp kelgen fotograf otandyq loukosterdıŋ qyzmetıne dän riza. "Biznes klass joq, bärı bır jerde otyrady. Tar emes, oryndyqtary da yŋǧaily, jaily", - deidı ol.

"Mäselen, Almaty men Taraz arasynda bilet baǧasy 4 myŋnan bastalady. Al Almatydan Nūr-Sūltanǧa 7 myŋ teŋgeden, Oralǧa 12 myŋ teŋgeden bastalady", - dedı Jailauova.
Biyl, onyŋ aituynşa, otandyq loukoster 700 myŋ adamdy, kelesı jyly 2,5 million, al 2022 jyly 4 million jolauşyny tasymaldaudy josparlap otyr. Fly Arystan ūşaqtarynyŋ ortaşa jasy 6 jyldy qūraidy.