Qazaqstan mūsylmandary dıni basqarmasy baliǧat jasyna tolǧan qyz balalardyŋ mektepke oramal tartyp baruyna qatysty uäkılettı oryndarǧa ötınış bıldırgen. Būl turaly QMDB jariialaidy, dep habarlaidy “Adyrna” ūlttyq portaly.
“İmandy, bılımdı ūrpaq tärbieleu – ärbır ata-ananyŋ basty maqsaty. Şariǧat boiynşa baliǧat jasyna tolǧan mūsylman qyzǧa oramal taǧu – paryz. Sol sekıldı bılım aludyŋ da ükımı – paryz.
Müftiiat şariǧat boiynşa baliǧat jasyna tolǧan mūsylman qyzǧa oramal taǧu paryz ekenın joqqa şyǧarǧan emes. Sondai-aq oramal taǧu ūlttyq dästürımız. Mūny mūsylman qauymy tereŋ tüsınuı tiıs. Alaida şariǧatymyz baliǧat jasyna tolmaǧan qyzǧa oramal taǧudy mındettemeidı. Mūny da mūsylman jamaǧaty dūrys tüsınuı kerek.
Jyl saiyn jaŋa oqu jyly qarsaŋynda oquşy qyzdardyŋ mektepke oramal taǧyp baruyna qatysty qoǧamda türlı pıkırler aitylady. Būl mäsele müftiiat qyzmetkerlerın de beijai qaldyrmaidy. QMDB öz qūzyretı aiasynda būl mäselege qatysty uäkılettı memlekettık mekemelerge tiıstı ūsynystar berdı. Mūsylman jamaǧatynyŋ ötınışı eskerılıp, oŋ şeşım qabyldanady dep ümıttenemız”, dep mälımdedı.
