Prezidenttıŋ baspasöz-hatşysy Nūrmūhamed Baiǧaraev Densaulyq jaǧdaiyna bailanysty lauazymynan bosatyldy. Būl turaly ol Facebook paraqşasynda jazdy, dep habarlaidy “Adyrna” ūlttyq portaly.
“Keşe densaulyǧyma qatysty oqys jaǧdaidan soŋ (pristuptar) därıgerlerge tekserıluge mäjbür boldym. Tolyq tekserısten keiın syrqattyŋ belgısı baiqaldy. Därıgerler ūzaqmerzımdı em-domdy bırden bastaudy, ony tūraqty qabyldaudy jäne bastysy – ūşaqpen ūşudy belgılı bır uaqytqa deiın toqtatudy talap ettı.
Medisinalyq talap qazırgı qyzmetımdı tolyqqandy atqaruǧa kedergısın keltıretını belgılı. Sebebı aimaqtarǧa jäne şetelderge ıs-saparlar tūraqty türde bolady. Būl – jiı ūşaqpen ūşu degen söz.
Şyny kerek, mūndaidy özım de kütpedım. Jospar basqaşa edı. Ötken aptada kırısken qyzmetıme bılımımmen, bılıktılıgımmen daiyn edım. Baspasöz qyzmetın jetıldıruge, odan ärı aşyq etuge qatysty bırneşe ideia, bastamalarym bar edı.
Alaida «densaulyq – bırınşı bailyq» dep beker aitpaǧan. Sondyqtan qandai qyzmet bolsa da, eŋ aldymen, uaqyt ötkızbei, tolyq emdelıp alu qajet dep taptym. Osyǧan orai, Prezident baspasöz hatşysy qyzmetın qazır toqtata tūruyma tura keledı”, dep jazdy ol.
Aita keteiık, bır apta būryn Nūrmūhamed Baiǧaraev Qazaqstan Respublikasy Prezidentınıŋ Baspasöz hatşysy lauazymyna taǧaiyndalǧan edı.
