Memleket basşysynyŋ ökımımen Berık Uäli Qazaqstan Respublikasy Prezidentınıŋ keŋesşısı – Prezidenttıŋ Baspasöz hatşysy lauazymyna taǧaiyndaldy, dep habarlaidy "Adyrna"ūlttyq portaly "Aqordaǧa" sılteme körsete otyryp.
Berık Uäli 1997 jyly T.Jürgenov atyndaǧy Qazaq memlekettık teatr jäne kino institutyn «kinotanuşy», 2005 jyly äl-Farabi atyndaǧy Qazaq Ūlttyq universitetın «jurnalistika», 2014 jyly Qazaq innovasiialyq gumanitarlyq-zaŋ universitetın «qūqyqtanu» mamandyqtary boiynşa bıtırgen. 1997-2012 jyldary – «Habar» Agenttıgı» AQ-nyŋ, «TAŊ» telekompaniiasynyŋ, «NTK» telearnasynyŋ, «31 kanal» JŞS-nıŋ jurnalistı, aqparattyq baǧdarlamalarynyŋ redaktory, «Nūr Media» JŞS-nıŋ jemqorlyqqa qarsy media ortalyǧynyŋ jetekşısı. 2012-2015 jyldary – Oŋtüstık Qazaqstan oblysy äkımı apparaty basşysynyŋ orynbasary, baspasöz qyzmetınıŋ basşysy, ışkı saiasat jäne dın ısterı basqarmasynyŋ basşysy.
2015-2016 jyldary – «Nūr Otan» partiiasy töraǧasy Bırınşı orynbasarynyŋ keŋesşısı. 2016-2018 jyldary – Qazaqstan Respublikasy İnvestisiialar jäne damu ministrınıŋ keŋesşısı, Aqparattyq qamtamasyz etu departamentınıŋ direktory. 2018-2019 jyldary – Jambyl oblysy äkımdıgınıŋ Işkı saiasat basqarmasynyŋ basşysy. 2019-2022 jyldary – Qazaqstan Respublikasy Prezidentınıŋ baspasöz hatşysy. 2022 jyldyŋ nauryz aiynan bastap bügınge deiın "Habar" agenttıgı" aksionerlık qoǧamynyŋ Basqarma töraǧasy bolyp kelgen.
"Adyrna" ūlttyq portaly
Ūqsas jaŋalyqtar
