Qazaqstan Prezidentı Qasym-Jomart Toqaev LY iTECH kompaniiasynyŋ töraǧasy Szen Fansin men HGTECH Co. Ltd kompaniiasynyŋ töraǧasy Ma Sinsiandy qabyldady. Būl turaly Aqorda jariialady, dep habarlaidy ”Adyrna” ūlttyq portaly.
Memleket basşysyna tūrmystyq tehnikalardyŋ, avtokölıkter men smartfondardyŋ qosalqy bölşekterın şyǧaratyn jäne innovasiialyq tehnologiialar salasynda jūmys ısteitın Qytaidyŋ ırı joǧary tehnologiialyq käsıporyndary jönınde mälımet berıldı.
Äŋgımelesu barysynda investisiialyq jobalardy jüzege asyru jäne qosalqy bölşekter men lazerlık qūrylǧy öndıru üşın Qazaqstannan sirek kezdesetın metaldardy tūraqty türde jetkızu ısın jolǧa qoiu perspektivalary talqylandy, delıngen habarlamada.
Sonymen qatar, elımızdıŋ innovasiialyq äleuetın nyǧaitu mäselelerı de qarastyryldy.
Qasym-Jomart Toqaev ekı eldıŋ strategiialyq serıktes ekenın, sonyŋ ışınde Qytaidyŋ "Bır beldeu – bır jol" jahandyq bastamasy aiasynda yntymaqtastyq ornatqanyn atap öttı.
