Qazaqstandaǧy därılık şöpterdı ösırıp, jinap, ony ışınara öŋdep otyrǧan, eksportqa baǧyttalǧan jalǧyz käsıporyn Jetısu oblysynda jūmys ıstep tūr. Mūnda tabiǧi-klimattyq jaǧdailarǧa bailanysty 400-den 650 tonnaǧa deiın ösımdık jinalady. Būl kölemnıŋ barlyǧy derlık Euroodaq elderıne, Reseige, Türkiiaǧa, AQŞ-qa eksporttalady, önımder sertifikattalǧan, - dep habarlaidy Jetısu oblysy äkımınıŋ baspasöz qyzmetı.
Sarqan audanynda ornalasqan «Azia Gold» JŞS käsıpornynyŋ 30 jylǧa juyq tarihy bar, būl käsıp alǧaşynda jabaiy şöpter teruden bastalǧan. Käsıporyn direktory Aleksei Korjikovtyŋ aituynşa, keiın tüimedaqty özderı ösıre bastady. «Būǧan ekı närse äser ettı. Özımız ösırsek, bırınşıden şikızat qoljetımdı bolady, ekınşıden jerımızdıŋ tabiǧi resurstaryn saqtauǧa oŋ äserın tigızedı», - deidı käsıpker. Būl sözınıŋ jany bar, sebebı Sarqan audanynyŋ tauly aimaqtarynda jabaiy almadan bastap ösımdıktıŋ köptegen türı ösedı. Ony saqtap qalu - ortaq mındet.
- Alǧaşynda tūqymdy Reseiden, Europadan satyp aldyq. Keiın olardy öz klimatymyzǧa beiımdedık. Öz tūqymymyz men köşet materialyn alyp, egıs alqaptaryn keŋeite bastadyq. Qazır därılık şöpterdıŋ egıs alqaby 5 myŋ gektarǧa jettı. Tüimedaq, jalbyz, sälben, valeriana, qalaqai, lavanda, sondai-aq dolana, qarabüldırgen, taŋqurai siiaqty därılık şöpterdıŋ 10-nan astam türın ösıremız, - dedı A. Korjikov.Bır ǧana tüimedaqtyŋ özınıŋ paidaly qasietterı şaş etekten. Güldıŋ özegı bölek, qalǧan bölıgı bölek arnaiy jabdyqta ūsaqtalady. Sonyŋ nätijesınde odan ekı türlı önım alynady. Onyŋ öndırıletın jyldyq kölemı 250-300 tonnaǧa jetedı. Qaita öŋdeuden ötken gülder men odan alynǧan fraksiiadan keiın şai jäne dietalyq qospalardyŋ barlyq türı jasalady. Bıraq şeteldık tūtynuşylar köbıne taŋqurai men qaraqattyŋ hoş iıstı japyraqtaryn negızınen jeke susyn nemese şaiǧa paidaly jäne dämdı qospa retınde paidalanady.
- Emdık şöp öŋdeudı jolǧa qoiu üşın qūny şamamen 46 myŋ euro bolatyn europalyq öndırıstıŋ 3 arnaiy apparatyn satyp aldyq. Bölşekterdı auystyrudyŋ arqasynda, ärtürlı baǧdarlamalardyŋ kömegımen būl qūrylǧylar köp funksiia atqara alady. Degenmen auyl şaruaşylyǧy tehnikalaryn satyp alu kezınde memleketten subsidiia aldyq, būl bızge edäuır qoldau boldy, - deidı direktor.Atap ötsek, şöp ösırıletın alqaptar audan ortalyǧynan 20 km-den astam jerde Qarǧaly, Qarauyltöbe auyldarynyŋ maŋynda ornalasqan. Äsırese ösımdıkterdıŋ ekologiialyq jaǧynan taza boluyna erekşe nazar audarylady, sondyqtan aramşöpterdı joiuǧa tek Europalyq standartqa sai gerbisidter qoldanylady. Al qoimalary, öŋdeu jäne saqtau sehtary Sarqan qalasynda ornalasqan. Käsıporynda 55 adam jūmys ısteidı. Tabysqa ortaq eŋbektıŋ arqasynda jetıp otyrmyz deidı käsıporyn direktory. Onyŋ aituynşa, degenmen jūmysşy qoly älı de jetkılıksız. «Äsırese, jalaqysy 200 myŋ teŋgege jetetın köşet materialymen jūmys ısteu kezeŋınde bız jūmysqa äiel azamattardy köbırek tartuǧa tyrysamyz. Ärine, būl jūmysqa köp uaqyt ketedı. Jalpy, bızdıŋ şaruaşylyqta jalaqy jūmys pen öndırıs türıne bailanysty. Mūnda därılık şöpterden basqa dändı daqyldar, tary, künbaǧys ösırıledı. Jalaqy aiyna 900 myŋ teŋgege jetetın kezder de bolady», - dedı A. Qorjyqov. Nikolai Kozlovskii käsıporynda 5 jyldan berı jūmys ısteidı. «Şöp sebemız, tazalaimyz. Qolyma 140 myŋ teŋge alamyn. Jaǧdaiymyz jaqsy, sondyqtan osynda bırneşe jyl qatarynan jūmys ıstep kelemın», - deidı ol. Aldaǧy josparlary turaly aita kele, käsıporyn direktory därılık şöpter şaruaşylyqtaǧy daqyldar alqabynyŋ nebary 30% alyp jatqanyna qaramastan, därılık şöpterden tüsetın tabystyŋ joǧary ekenın de atap öttı. Aldaǧy uaqytta köşet ösıru üşın jylyjailar saludy josparlap otyr, sebebı keibır ösımdıkterdı erte köktemde otyrǧyzu kerek. Sonymen qatar käsıporyn basşylyǧynyŋ ämbebap dämdeuışter ösırsek degen de oiy bar. Atap ötsek, qazır «Azia Gold» JŞS käsıpornynda türlı därılık şöpter men ösımdıkterdıŋ 10-nan astam türı ösırıledı. Alqap mausym-şılde ailarynda güldep tūrady. Jaz mezgılınde türlı tüstı gülderımen kömkerılgen alqapty köruge qyzyǧatyndar qatary köbeiıp jatsa taŋǧalmaimyz. Öitkenı käsıporyn osy jūmys qarqynyn bäseŋdetpei, ırgesın keŋeite beretın bolsa, bolaşaqta agroturizm baǧytyndaǧy tanymal orynǧa ainaluy mümkın.
- Önımderımızge degen sūranys bızdıŋ öndıru quatymyzdan da asyp tūr, iaǧni fitoönım şyǧaru - bolaşaǧy bar sala, sondyqtan bız käsıporyndy keŋeitudıŋ naqty josparlaryn jasap jatyrmyz, - dedı Aleksei Viktorovich.
