Almatyda ırı jol apaty bolyp, tört adam zardap şektı, dep habarlaidy “Adyrna” tılşısı.
Almatynyŋ ortalyq köşelerınde tünde jol apaty oryn alǧan. Äleumettık jelıde taraǧan videodan 6 bırdei kölıktıŋ soǧylǧanyn anyq baiqauǧa bolady. Videoda kölıktı jalǧa alǧan azamattyŋ Abai daŋǧylynda ırı jol apatyn jasaǧany aitylǧan.
Almaty qalalyq polisiia departamentınıŋ mälımetınşe, 22 qyrküiek tüngı 00:10-de Abai daŋǧylymen batys baǧytta «Volkswagen» avtokölıgın jürgızıp kele jatqan 2004 jyly tuǧan K. esımdı jürgızuşı tūraqta tūrǧan alty kölıktı soqqan. Jas jürgızuşı kölıktı jalǧa alǧan bolyp şyqty.
«Jol apaty saldarynan tört adam zardap şektı. Olar auruhanaǧa jetkızıldı. Jol apatyn Äuezov audandyq polisiia basqarmasy öndırıske qabyldady», — dep habarlady qalalyq polisiia departamentınıŋ baspasöz qyzmetı.
Ūqsas jaŋalyqtar
