Şymkentte paramen ūstalǧan şeneunıkter aiyppūl arqalap, jazadan qūtylǧany turaly aityldy, dep habarlaidy "Adyrna" tılşısı.
Şymkenttıŋ kelbetıne jauapty qalalyq säulet, qūrylys jäne jer qatynastary basqarmasy basşysynyŋ orynbasary men bölım bastyǧy sybailas jemqorlyq jasady dep aiyptalǧan bolatyn. Alaida sot olardy bas bostandyǧynan aiyrmady, milliondaǧan aiyppūl saldy.
Üşınşı megapoliste sybailas jemqorlyqqa qarsy ıs mamyr aiynda bastalǧan. Tergeu barysynda jer uchaskesın memlekettık alyp qoiu kezınde biudjet qarajatyn kedergısız tölem üşın basqarma basşysynyŋ orynbasary men bölım bastyǧynyŋ aldyn ala söz bailasu boiynşa käsıpkerden bes million teŋge kölemınde para alǧany aitylǧan edı. Alaida eks-şeneunıkterdıŋ aty-jönı atalmady. Tek zaŋǧa qaişy äreketterı üşın olarǧa milliondaǧan aiyppūl salynǧany belgılı. Osylaişa olar temır tordan aman qalǧan.
Sot ükımımen olar jauapty qyzmetterınen bosatyldy. Būl turaly qalalyq sybailas jemqorlyqqa qarsy ıs-qimyl agenttıgı bırınşı orynbasary habarlady.
"Şymkent qalasynyŋ säulet basqarmasyna qatysty basşynyŋ orynbasary men bastyǧyna qatysty qylmystyq ıs sotqa joldandy. Säulet basqarmasy basşysynyŋ orynbasary 50 mln teŋge aiyppūl, bölım basşysyna 58 mln teŋge aiyppūl salyndy", – dedı Şymkent qalasynyŋ sybailas jemqorlyqqa qarsy ıs-qimyl agenttıgı basşysynyŋ orynbasary Rüstem Tanabaev.
Ūqsas jaŋalyqtar
