Ūlttyq qauıpsızdık komitetı Siriiada DAESH (Qazaqstanda tyiym salynǧan ūiym) qūramynda bolǧan Qazaqstan azamatyn ūstady. Būl turaly Ūlttyq qauıpsızdık komitetınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Komitettıŋ habarlauynşa, 2016 jyly Ūlytau tūrǧyny otbasymen bırge Siriiaǧa baryp, onda DAİŞ (Qazaqstanda tyiym salynǧan) qūramynda qalyp qoiǧan.
Qabyldanǧan şaralardyŋ nätijesınde sodyrdyŋ şetelde jürgen jerın anyqtauǧa, sodan keiın şeteldık serıktesterdıŋ kömegımen ūstalyp, 2023 jyldyŋ mausym aiynda Ūlttyq qauıpsızdık komitetınıŋ baqylauymen Qazaqstanǧa jetkızuge mümkındık tudy.
Ūlttyq qauıpsızdık komitetı Ūlytau oblysynyŋ tūrǧynyna qatysty terrorizmdı nasihattau, dıni arazdyqty qozdyru jäne laŋkestık toptyŋ qyzmetıne qatysu faktılerı boiynşa qozǧalǧan qylmystyq ıs boiynşa tergeu jürgızdı, - dep habarlady baspasöz qyzmetı.
Ūlytau oblysy Sätbaev audandyq soty er adamdy osy qylmystardy jasaǧany üşın kınälı dep tanyp, 6 jylǧa bas bostandyǧynan aiyrdy. 2023 jyldyŋ 22 qyrküiegınde ükım zaŋdy küşıne endı.
