Bügın Mäjılıs otyrysyna kelgen Bas Prokurordyŋ orynbasary Äset Şyndalievke Samat Äbışke qatysty sūraq qoiyldy, - dep habarlaidy "Adyrna" ūlttyq portaly.
Äset Qazaqbaiūlynyŋ aituynşa, Samat Äbıştıŋ qylmystyq ısıne bailanysty qazır tergeu jūmystary jürıp jatyr.
«Qylmystyq prosestık kodekstıŋ talabyna säikes, tergeu derekterın jariialanuǧa bolmaidy. Sol üşın qazırgı taŋda beretın aqparat osy. Öitkenı būǧan bailanysty Bas prokuratura aqparat berdı. Samat Äbış syrtqa şyqpau turaly qolhatpen elde jür. Elden ketpeu turaly qolhat jazǧan adamnyŋ üiınıŋ aldynda arnaiy qarauyl qoiylmaidy. Tergeuşı şaqyrǧan kezde üiınen keledı. Özı qorǧauşylar men jäne basqa da tūlǧalarmen kezdese alady. Al arnaiy qarauyl üiqamaqqa alynǧan kezde qoiylady. Al qūqyqtyq statusyna qatysty eşqandai aqparatym joq" dedı ol.
Eks-prezident Nūrsūltan Nazarbaevtyŋ nemere ınısı Samat Äbış qaŋtar köterılısınen keiın Ūlttyq qauıpsızdık komitetınıŋ bırınşı orynbasary qyzmetınen ketken bolatyn. Atalǧan komitettı basqarǧan Kärım Mäsımov pen onyŋ bırneşe orynbasary türmege qamalǧan kezde, Samat Satybaldyūlyna qatysty eşqandai ıs qozǧalǧan joq.
Ūqsas jaŋalyqtar
