1 qazan – Halyqaralyq qarttar kúni. Bul kúndi búkil álem toılatýda.
Qarttar kúni 1990 jyly 14 jeltoqsanda BUU Bas assambleıasynda resmı bekitilgen. Birikken Ulttar Uıymy keltirgen derekke sáıkes álem boıynsha jasy 60-tan asqan azamattardyń sany 1 mıllıardtan asady eken. Al bul kórsetkish 2050 jyly 1,5 mıllıardqa jetýi múmkin.
Al Qazaqstanda zeınet jasyndaǵy turǵyndardyń sany 2,3 mıllıonnan astam. Qoldanystaǵy zańǵa sáıkes, Qazaqstanda erler 63 jasynda, al áıelder 2028 jylǵa deıin 61 jasynda zeınetke shyǵatynyn eske salaıyq.
Qazaqstanda qarttarǵa birqatar qoldaý kórsetilip keledi. Eńbek jáne halyqty áleýmettik qorǵaý mınıstrliginiń málimetinshe, atalmysh meıram aıasynda Astana qalasy, Qaraǵandy, Mańǵystaý, Túrkistan, Jetisý jáne Ulytaý oblystaryndaǵy qarttarǵa 2-den 10 AEK mólsherinde 234 myń qarııaǵa birjolǵy materıaldyq kómek kórsetilgen.
Aǵa urpaqtyń qoǵam ómirine qosqan úlesine shynaıy rızashylyq bildirip, qamqorlyq kórsetetin erekshe meıirimge toly kún qarsańynda birqatar oblystarda da sharalar ótip jatyr. Almaty, ShQO, Jambyl, Túrkistan, Abaı jáne Ulytaý oblystarynda merekelik azyq-túlik sebetteri tabystalsa, qarttardy áleýmettik qoldaýǵa shamamen 4,6 mlrd teńge baǵyttalǵan.
"Qarty bar eldiń qazynasy bar" dep beker aıtylmaǵan. Qarııalardyń keýdesi – ishi toly altyn sandyq. Ómirlik tájirıbesi mol, kópti kórgen qarııalar el ishilik, týysaralyq, otbasylyq úlken daýlardy, máselelerdi sheship, daýdy óz aqylymen toqtatyp otyrǵan.
Sondyqtan qarttaryn qadirlegen el ardaqty ekenin esten shyǵarmaıyq!
