1 qazan – Halyqaralyq qarttar kúni. 1990 jyly jeltoqsan aıynyń 15 kúni BUU Bas Assambleıasy bul kúndi «Halyqaralyq qarttar kúni» dep jarııalady. Asylynda, bul mereke HH ǵasyrdan bastap paıda bolǵan. Bastapqyda Qarttar kúni Eýropada, keıin Amerıkada toılanǵan, al 80 jyldardyń aıaǵynan beri búkil álemde atap ótilip keledi.
Qarttar kúnin atap ótýdegi basty maqsat — az qamtamasyz etilgen qart adamdarǵa, jalǵyzbasty qart zeınetkerler men qart múgedekterge kóńil bólý, olarǵa materıaldyq, áleýmettik-turmystyq jáne basqa da kómek túrlerin kórsetý. Bul kúni bizdiń elimizde ǵana emes, álemniń túkpir-túkpirinde qarttarǵa arnalǵan merekelik is-sharalar ótkizilip, eresekter tarapynan qarııalarǵa kómek kórsetiletin alýan túrli jobalar uıymdastyrylyp, memleket arnaıy járdemaqylar taǵaıyndaıdy.
Búkilálemdik densaýlyq saqtaý uıymynyń jikteýine sáıkes, qart adamdarǵa 60-74 jas, kárilerge 75-89 jas aralyǵyndaǵylar, al, uzaq jasaýshylarǵa jasy 90-nan asqandar kiredi.
Qarııa - aǵyp jatqan darııa, telegeı teńiz ispettes. "Qarty bar eldiń qazynasy bar" degen asyl sózdi halqymyz beker aıtpasa kerek. Qaı kezde de halqynyń tileýin tilep, jurtyna qamqor bolatyn qarttarymyz aman bolsyn!
"Adyrna" ulttyq portaly
