Qaraǵandy oblysynda sabaqtan keıin úıine qaıtpaǵan bastaýysh synyp oqýshysynyń anasy jaýapqa tartyldy, dep habarlaıdy "Adyrna" tilshisi Stan.kz aqparat agenttigine silteme jasap.
Qarqaraly aýdandyq ishki ister bólimine óńir turǵyn 29 qyrkúıek kúni saǵat 23:40 shamasynda habarlasyp, 10 jasar qyzynyń joǵalǵanyn aıtyp dabyl qaqqan.
Anasynyń aıtýynsha mektep oqýshysy tústen keıin sabaqqa ketip, saǵat 19.00-de mektepten qaıtýy kerek bolǵan.
"Biraq qyz úıine oralmaǵan. Dabyl qaqqan áıel qyzyn ózi izdeı bastaǵanymen, izdestirý nátıje bermegen. Áıel polıııaǵa qyzy joǵalyp ketkennen keıin bes saǵatqa keshigip habarlasqan", - dep habarlady Qaraǵandy oblystyq polıııa departamentiniń baspasóz qyzmeti.
Búkil polıııa bólimi izdestirý sharasyn júrgizip, joǵalǵan qyzdy tapqan. 10 jastaǵy búldirshin mektepke barmaı, kúni boıy qurbysymen birge bolǵanyn anyqtady. Al saǵat 19.00-de oqýshy qyz qurbysynyń úıinen ketkennen keıin ony eshkim kórmegen. Shuǵyl izdestýri sharalarynan keıin qyzdy tapqan.
"Jedel izdestirý toptary ár úıdi aralap, jertólelerdi, shatyrlardy, káriz qudyqtaryn tekserdi. Bir jarym saǵattan keıin qyz aman-esen tabyldy. Ol úıge jaıaý kele jatqanyn, biraq jolda qatty jańbyr jaýa bastaǵanyn aıtty. Jaýynda qalmas úshin dombyra eskertkishindegi qýysta kútken. Sol jerde jaıǵasyp, uıyqtap qalǵan", - dep qosty polıııa.
Joǵalǵan qyzdy arnaıy mamandar tekseristen ótkizdi. Búldirshin psıhologpen sóıleskennen keıin óz anasyna qaıtaryldy. Mektep oqýshysynyń anasyna qatysty oblystyq ÁQBtK-niń 127-baby "Kámeletke tolmaǵan balany tárbıeleý jáne (nemese) oqytý, quqyqtary men múddelerin qorǵaý jónindegi mindetterdi oryndamaý" boıynsha ákimshilik hattama toltyryldy.
