Elimizdiń Bala quqyqtary jónindegi ýákil 1-shi synyp oqýshysynyń zorlanýyna qatysty is baqylaýynda ekenin jetkizdi, dep habarlaıdy "Adyrna" tilshisi.
Bıyl 12 maýsymda Dınara Zákıeva QR Bala quqytary jónindegi ýákili qyzmetine taǵaıyndalǵan bolatyn. Balalar ombýdsmeni balalar zorlyǵyna qatysty qatań sharalardy jarııalaǵan bolatyn.
Alaıda oqý jyly bastala salysymen Almatydaǵy mektepterdiń birinde 1 synyp oqýshysynyń zorlanǵany týraly aqparat tarady. Osy iske qatysty resmı ýákil Facebook paraqshasynda arnaıy jazba qaldyrdy.
"Almaty mektebindegi jaǵdaıǵa qatysty. Qazirgi ýaqytta tergeý júrip jatyr
ST .QR QK 121.
SME nátıjeleri kútilýde, beınejazbalary zerttelýde. Mekteppen baılanystamyn. Men prokýratýramen, tergeýmen jumys isteýdemin.
Jábirlenýshi balanyń anasyna habarlasa almadym. Ózimniń baılanys nómirimdi jazdym, baılanysta ekenimdi aıttym",- dedi ol.
Esterińizge sala keteıik, búgin BAQ betterinde 1-shi synypta oqıtyn oqýshynyń zorlanǵany týraly aqparat taraǵan bolatyn.
