Almatydaǵy mektepterdiń birinde 1 synyp oqýshysynyń zorlanǵany týraly aqparat taraǵan bolatyn. Atalǵan fakti boıynsha qylmystyq is qozǵaldy, dep habarlaıdy “Adyrna” ulttyq portaly.
Jýyrda balanyń anasy “Nemolchı” qoryna júgingen.
"Onyń uzaq ýaqyt boıy buqaralyq aqparat quraldaryna barýǵa batyly jetpedi. Jarııa bolǵanyn qalamady. Eki apta ótti. Osy eki apta polıııanyń tergeýdi qalaı júrgizetinin, saraptamaǵa nusqaýdy qalaı beretinin jáne osy saraptamany qalaı júrgizetinin bilýge jetkilikti boldy", - dep habarlady qor Instagram-daǵy paraqshasynda.
Balalardyń quqyǵyn qorǵaý komıteti atalǵan fakti boıynsha qylmystyq is qaralyp jatqanyn málimdedi.
Oqıǵa komıtet pen quqyq qorǵaý organdarynyń baqylaýynda. Balalardyń quqyǵyn qorǵaý komıtetiniń tóraǵasy zardap shekken balanyń anasymen jáne halyqaralyq mekteptiń basshylyǵymen baılanysta,- delingen habarlamada.
Aqparatta aıtylǵandaı, balanyń otbasyna kómek usynyldy.
Komıtet BAQ betterinde jarııalanǵan ár aqparatqa barynsha jaýapkershilikpen qaraýdy suraıdy. Sebebi, bizge bala týraly derekterdiń qupııalylyǵyn saqtaý jáne ony qoǵamda taratpaý mańyzdy. Osylaısha qıyn jaǵdaıǵa tap bolǵan bala men otbasynyń tynyshtyǵyn qamtamasyz ete alamyz, - dedi komıtetten.
Qalalyq polıııa QR QK 121-babynyń 3-bóligi boıynsha tergeý júrgizilip jatqanyn málim etti.
Almatydaǵy bedeldi mekteptiń 1-synyp oqýshysyn zorlaý deregi boıynsha tergeý bastalǵanyn qalalyq polıııa departamentiniń (PB) baspasóz qyzmeti de rastady, dep habarlady QazTAG.
Istiń obektıvti mán-jaılaryn anyqtaýǵa baǵyttalǵan jedel-izdestirý sharalarynyń kesheni júrgizilýde. Tergeý barysy erekshe baqylaýda, - dedi Almaty qalalyq IID bastyǵynyń birinshi orynbasary Nurlan Almasbekov.
QR Qylmystyq kodeksiniń 121-babynyń 3-bóligimen (seksýaldyq sıpattaǵy kúsh kórsetý áreketteri) qylmystyq is qozǵaldy.
Bul fakti boıynsha tıisti saraptamalar taǵaıyndaldy, - dedi polıııa.
Aıta keteıik, buǵan deıin elimizdiń Bala quqyqtary jónindegi ýákil 1-shi synyp oqýshysynyń zorlanýyna qatysty is baqylaýynda ekenin jetkizgen edi. Oqý orny Qazaqstannyń eks-prezıdenti Nursultan Nazarbaev qorynyń qurylymynda jumys isteıdi.
