Bügın Taldyqorǧan halqy ortalyq alaŋda «Şahmat keruenın» qarsy aldy.
Freedom Broker bas serıktesınıŋ qoldauymen jüzege asyp jatqan joba şahmat sportyn öŋırlerde keŋınen därıpteudı közdeidı.
Keruen ideiasy saudamen qatar, halyqtardyŋ mädeni jäne sporttyq mūrasyn älemge taratqan Ūly Jıbek jolyna negızdelgen.
«Turnirdıŋ maqsaty – şahmatty äuesqoi oiynşylar arasynda köbırek nasihattau. Oǧan mektep oquşylary da, zeinetkerler de qatysa alady. Mūndaǧy eŋ basty erekşelık, qatysuşylar jynysyna, jasyna, äleumettık märtebesıne qaramastan, barlyǧy bır şahmat taqtasynda baq synasa alady», – deidı Qazaqstan şahmat federasiiasy prezidentınıŋ keŋesşısı Oleg Riabchenko.
Keruennıŋ keluı aiasynda Qazaqstan şahmat federasiiasynyŋ Jetısu oblystyq filialy aşyldy. Onyŋ töraǧasy bolyp oblys äkımınıŋ orynbasary Rustam Äli taǧaiyndaldy.
«Bügın Taldyqorǧannyŋ aua raiy da tamaşa, halyq ta köp jinaldy. Qalamyzda şahmat federasiiasynyŋ jaŋa filialy aşylyp, bızge ülken jauapkerşılık artylyp otyr. Jastarymyzdyŋ intellektualdy, bılımdı ūlt bolyp qalyptasuynda būl sport türınıŋ alatyn orny erekşe», – dedı töraǧa. Sondai-aq ol 2025-27 jyldarǧa arnalǧan damu josparynda balalar men jasöspırımderdı şahmatqa belsendı tartu mäselesı bar ekenın atap öttı.
Ortalyq alaŋda ornatylǧan jyljymaly kiız üi ışınde şahmattan turnir öttı. Sondai-aq mūnda Qazaqstan qūramasynyŋ namysyn qorǧap, älem chempionatynyŋ kümıs jüldegerı atanǧan Kseniia Balabaevamen bır mezettık oiyn seansy öttı.
«Şahmat keruenı» – basqa qaladaǧy jarystarǧa bara almaityn adamdar üşın öte jaqsy mümkındık. Olar osy turnirde täjıribe jinaqtap, jattyǧady jäne bır mezgılde myqty şahmatşylarǧa qarsy oinaidy», – dedı Kseniia Balabaeva.
Oblystyq kezeŋnıŋ ırıkteu turnirıne 75 adam qatysyp, onyŋ ışınen 20-sy ǧana bügıngı jartylai finalǧa ötken. Turnirdıŋ I oryn iegerı atanǧan Ǧani Tügelbaev şahmatpen bala kezınen ainalysqan eken. Oǧan 100 myŋ teŋge syiaqy tabys etıldı. II oryn jüldegerı Ernazar İsumbaev 50 myŋ, III oryn alǧan Vitalii Ovchinnikov 30 myŋ teŋge sertifikattarymen marapattaldy. Osy üş jeŋımpaz da qaraşa aiynda Türkıstanda ötetın grand-finalǧa joldama aldy.
10 qyrküiekten bastap, bügınde segız qalany aralap ülgergen keruen 10 qaraşaǧa deiın elımızdıŋ tükpır-tükpırıne sapar şegedı.
