Mäjılıs deputaty Qazybek İsa dıni terıs aǧymdarǧa bailanysty Premer-ministr men Ūlttyq Qauıpsızdık komitetı töraǧasyna deputattyq saual joldady, dep habarlaidy adyrna.kz ūlttyq portaly.
“Bızdıŋ saualymyz basqa edı, bıraq men bügıngı dın jaily maŋyzdy taqyrypta söilesem deimın.
Qūrmettı ärıptester, dıni radikalizmge zaŋmen qataŋ tyiym salatyn kez jettı!Öitkenı olar ūltty joiu küresın qatty qarqynmen jalǧastyruda.
“Aq jol” partiiasy parlamentte talai jyldan berı dıni terıs aǧymdarǧa qataŋ tosqauyl qoiatyn zaŋ qabyldaudy ūsynyp kelemız.
1.2011 jyly būl mäselenı bilık te qolǧa alyp, barlyq ministrlık pen Bas prokuratura men Joǧary sot ta qoldaǧanda, qai organ qarsy boldy?!. Tek Ūlttyq Qauıpsızdık komitetı qarsy şyǧyp, osy tyiym salu zaŋǧa enbei qaldy.
2.Men mūny sol kezde Ūlttyq Qauıpsızdık komitetı ūiymdastyrǧan konferensiiada «Radikaldyq terıs aǧymdarǧa qarsy zaŋ qabyldauǧa tek sızder ǧana qarsy boldyŋyzdar! Aramşöptıŋ tamyryn joimasa, tek betın ǧana şapqan bolsa, ol qaita qaulap şyǧa beredı. Sızder osylai eldı aldap kelesızder!» – dep, aşyq aittym.
3.”Qazaq ünı” gazetıne: “Ūlttyq qauıpsızdık komitetı - ūltqa qauıptı komitet pe?”-degen maqala da jazdyq.
Endı sol küdıgımız keşegı QAŊTAR qasıretınde rasqa ainaldy.
4.Al 2009 jyly da dın zaŋyna özgerıster engızıletın boldy da, bız “Qazaq ünı” gazetınde Dıni basqarmamen bırıgıp, zaŋǧa dıni aǧymdarǧa tyiym salatyn bap engızu mäselesın köterdık”, - dedı ol.
Qazybek İsa sol kezdegı solqyldaq bilık osy tyiym salu babyn engıze almaǧanyn aitady. Deputat der kezırde zaŋ qabyldanǧanda Qaŋtardyŋ qandy qasabyna ainalǧan nebır qaiǧyly oqiǧalar bolmas edı dep mälımdedı.
“6.Kezınde akademik Rahmanqūl Berdıbai “Qazaq ünı” gazetınde jazǧandai, “Hazariia qasıretın” ūmytpaiyq! 7-10 ǧasyrlarda ömır sürgen,
1)elıne barlyq dıni aǧymdardy kırgızgen, 2)köp dındı, köp tıldı el,
3)bilıgınen bastap, saudagerlerıne deiın özge tılde söilegen Hazariiadai türkı memleketı qazır qaida? Kartada joq!-Joiylyp kettı!
7.”Dını bar da, ūlty joq, Saqaly bar da, mūrty joq, El tübıne sol jeter! – dep, bır ǧasyr būryn jazǧan Mäşhür Jüsıp äulie şynynda köregen eken.
8.Men özım osy jasymda keşege deiın mūrty joq saqaldylardy körgen emespın. Mūrty joq, tek saqaly sapsiyp tūrǧan Han Abylaidy, Äiteke, Töle, Qazybek bilerdı, Er Mahambet, Ūly Abai, Jambyl, Älihandardy elestete alamyz ba?!. Qazırgı şet elge baryp, kümändı oqularda bırneşe ai oqyp kelgen terıs aǧymdy «ūstazdar» osy ūlylarymyzdan artyq, aqyly asyp, bılımı tasyp kelgender me?
9.Qazır än älemınde, aitysta, sportta da tairaŋdap jürgen jat aǧymnyŋ ökılderı dındı jamylyp alyp, ärıptesterı men änsüier, janküierlerıne öz «salttaryn» kırgızıp jatyr.
10.Ötken 30 jyldyq terıs saiasat qazaqtyŋ «nūr» degen jalyndy sözın jaǧymsyz sözge ainaldyrsa, terıs dıni aǧymdar tıptı, eŋ qymbat, ana degen aiauly atpen qatar atalatyn «Şeşe» degen qasterlı atauǧa qara küie jaǧyp, «ūstaz» degen ūlaǧatty ūǧymnyŋ mänın qūrtty.
11.Dıni terıs aǧymdaǧylar eldı ekıge bölıp, myltyqsyz-aq myŋdaǧan jastarymyzdy qazaqtyŋ qatarynan şyǧaryp qana qoimai, ūltty joiu üşın elge qarsy qauıptı küşterge ainaldyryp jatyr.
12.Dınge, tılge, jerge
qarsy elbūzar terıs aǧymdardyŋ bärıne zaŋmen tosqauyl qoiyluy tiıs!
13.El üşın eŋ qymbat Ūltqa, adam üşın eŋ aiauly - Äke-Şeşege, Qazaqqa eŋ adal Dombyraǧa qarsy haram piǧyldylardyŋ erkın tarap jatqan El tübıne jeter virusyn şūǧyl zaŋmen toqtatatyn kez jettı!
14.Ūlttyq müddemız ben dästürımızge, el bırlıgıne balta şauyp, Memleketke taǧy da qater töndırıp jatqan Dıni terıs aǧymdarǧa zaŋmen qataŋ tyiym salu qajet”, - dedı Qazybek İsa.
Ūqsas jaŋalyqtar
