Nūrsūltan Nazarbaevtyŋ oiynşa, bilıkke keletın jaŋa ūrpaq, jaŋa komanda öz novasiialaryn äkeledı
Qazaqstannyŋ tūŋǧyş prezidentı Nūrsūltan Nazarbaev memlekettı basqarudyŋ qyr-syry turaly aitty.
"Halyq pen onyŋ köşbasşysy bır-bırın tüsınıp, qoldau bıldırse, memleket tabysqa jete alady. Barlyq bastama halyqtyŋ qoldauymen ıske asuy qajet. Būl – menıŋ negızı ūstanymym. Osy uaqytqa deiın solai jūmys ıstedık. Saiasatymyz dūrys boldy dep oilaimyn. Men özım bes sailauǧa qatystym. Sonda maǧan 85 prosentten tömen dauys berılgen joq. Osyndai tüsınıstıktıŋ arqasynda bız qazırgı jetıstıkterge jettık dep oilaimyn", - dedı Nazarbaev plenarlyq otyrysynda.
Elbasynyŋ aituynşa, osy joly prezidenttık bilıktıŋ tranzitı oidaǧydai öttı. Endı būǧan deiın qolǧa alynǧan bastamalardy jalǧastyru qajet.
"Alaida ol kezde menıŋ mandatym aiaqtalǧan joq, älı de jūmys ısteuge bolatyn edı. Sailauǧa öz kandidaturamdy şyǧarǧanda jalpy halyq bolyp, taǧy menı taŋdaityn edı. Ony 100 prosenttık senımmen aituǧa bolady. Degenmen, bızge özgerıster kerek. Jaŋa ūrpaqtyŋ kelgenı dūrys. Menıŋşe, bilıkke keletın jaŋa ūrpaq, jaŋa komanda öz novasiialaryn äkeledı", - dep atap körsettı tūŋǧyş prezident.
Öz sözınde ol osy uaqytqa deiın atqarylǧan şaralardy da atap öttı. Sonyŋ ışınde Ūltyq qor, "Nūrly jol" baǧdarlamasy, industriialyq-innovasiialyq baǧdarlama, ipotekalyq jüie jäne taǧy basqa bastamalar bar. Nazarbaev Qazaqstandaǧy ekı memlekettık tūlǧa – tūŋǧyş prezident pen prezidentke qatysty öz oiyn da jetkızdı. "Bügın bız spikerge yŋǧaisyzdyq tuǧyzyp otyrǧan siiaqtymyz (küldı). Ol aldymen "tūŋǧyş prezident" deidı, odan keiın "prezident" dep tanystyru kerek. Menıŋşe, Qazaqstanda ekıūdaiylyq bolmaidy. Bızde bır prezident qana bar. Ol – basty tūlǧa. Ony sailaǧannan keiın bärımız soǧan jūmys ısteitın bolamyz", - dedı Nazarbaev.
