Qazaqstannyń ekinshi, álemniń 68-raketkasy Iýlııa Pýtıneva Gonkong WTA 250 týrnırinde utylyp qaldy, dep habarlaıdy «Adyrna» ulttyq portaly Kazinform saıtyna silteme jasap.
Qazaqstandyq tennısshi alǵashqy aınalymda álemniń 37-raketkasy - reseılik Anna Blınkovamen kezdesti.
Birinshi partııada reseılik sportshy 6:4 esebimen basym tússe, ekinshisinde Pýtıneva ese qaıyrdy - 6:2.
Úshinshi, sheshýshi sette esep 1:5 bolǵan sátte qazaqstandyq tennısshi básekeni jalǵastyrýdan bas tartty.
Bir saǵat 53 mınýtqa sozylǵan matchta Pýtıneva 1 eıs jasap, 9 breık-poınttyń tórteýin paıdalana bildi. Blınkova 3 eıs, 5 breıkpen (6 breık-poınt) kózge tústi.
Taǵy bir qazaqstandyq, irikteý saıystarynan sátti ótken, reıtıngte 1016-satydaǵy Anna Danılına alǵashqy aınalymda álemniń 70-raketkasy, Polsha ókili Magdalena Freshpen oınaıdy.
«Adyrna» ulttyq portaly
