Türkıstan: 30-ǧa juyq investisiialyq jobany jüzege asyru barysy talqylandy

Türkıstanda oblys äkımdıgı janyndaǧy öŋırlık investisiialyq ştabtyŋ kezektı otyrysy öttı. Jiynda oblys aumaǧynda jüzege asyrylyp jatqan jäne endı qolǧa alynatyn jobalar talqylandy. Oblys äkımı Darhan Satybaldy ärbır investordyŋ pıkırın tyŋdap, jobaǧa qatysty mäseleler bar-joqtyǧyn sūrady. Äkımdık tarapynan barynşa qoldau körsetıletının, bıraq, investorlar da öz jobalaryn sozbalaŋǧa salmai uaqtyly aiaqtauy tiıs ekenın jetkızdı. – Oblys äkımdıgı, jergılıktı atqaruşy organdar tarapynan qandai kömek kerek bolsa, ol qoldau körsetıledı. Eŋ bastysy, jūmys josparǧa sai jürgızılıp, öndırıs oryndary aşyluy tiıs. Ärbır joba boiynşa jauapty investormen jol kartasy jasalady. Bızdıŋ taraptan jäne olardyŋ tarapynan atqarylatyn jūmystardyŋ oryndalu merzımı körsetıledı. Eger jol kartasyndaǧy jospardan keşıkse jäne jerdı alyp, paidalanbaityn bolsa, basqa investorlarmen kelıssöz jüredı. Är jobanyŋ basşysymen jüzbe-jüz kezdesıp, talqylap, qoldau körsetuge daiynbyz. Jeŋıldetılgen nesieler boiynşa da jauapty qarjy ūiymdarymen jūmys jürgızıledı. Jauapty basqarma, audan, qala äkımdıkterı jer, infraqūrylym mäselelerı boiynşa investorlarmen tūraqty bailanysta bolyŋyzdar. Öŋırde jaŋa jūmys oryndaryn köbeitu – basty mındet, – dedı darhan Satybaldy.