«ArselorMıttal Temirtaý» kompanııasyna 5,5 mıllıon teńge aıyppul salyndy. Bul týraly Tabıǵı monopolııalardy retteý komıtetiniń Qaraǵandy oblysy boıynsha departamentiniń baspasóz qyzmeti aıtty, dep habarlaıdy «Adyrna» tilshisi.
Basqarma Temirtaý qalasy kásipkerleriniń ujymdyq ótinishi negizinde «Arselor Mıttal Temirtaýǵa» qatysty jospardan tys tekserý júrgizgenin málimdedi. Nátıjesinde kompanııa kásipkerlerlik nysandardy jylý jelilerinen zańsyz ajyratqany belgili boldy.
«Temirtaý qalasynyń ákimshilik quqyq buzýshylyqtar jónindegi mamandandyrylǵan sotynyń 2023 jylǵy 5 qazandaǵy qaýlysymen «Tabıǵı monopolııalar týraly» Qazaqstan Respýblıkasynyń Zańyn buzǵany úshin, «Arselor Mıttal Temirtaý» AQ-na 5 520 000 teńge mólsherinde aıyppul túrinde ákimshilik jaza qoldanylyp, ákimshilik jaýapkershilikke tartyldy», - delingen komıtet habarlamasynda.
Kompanııa ákimshilik jaýapkershilikten bólek, qylmystyq jaýapkershilikke de tartylýy múmkin.
Eske salaıyq, 17 tamyzda «ArselorMıttal Temirtaý» kómir departamentine qarasty «Qazaqstan» shahtasynda konveıer lentasy órtengen edi. Órt saldarynan bes kenshi de qaza tapty. Qazirgi tańda polıııa 277-babynyń 2-bóligi (taý-ken nemese qurylys jumystaryn júrgizý kezinde qaýipsizdik erejelerin buzý) boıynsha sotqa deıingi tergeý jumystaryn júrgizip jatyr.
