Endi qazaqstandyqtar kez kelgen ýaqytta álemniń kez kelgen núktesinen zańger, advokat nemese notarıýs qyzmetine ońaı qol jetkize alady, dep habarlaıdy «Adyrna» ulttyq portaly Halyq Uni saıtyna silteme jasap.
Qoldanýshy platformaǵa kirip, zańger qajet bolatyn ýaqyt pen eldi mekendi kórsetedi, soǵan saı bos zańger baılanysqa shyǵyp, ary qaraı taraptar ózara kelise beredi.
Otandastyrymyz kóp jaǵdaıda zańger qyzmetine muqtaj bolǵanda qaıda barý kerektigin bilmeı qınalyp jatady. Qarpaıym HQKO áldebir qujattar suraǵanda kóbimiz aldymen notarıýsqa baryp keńes alyp, sodan keıin ǵana ne isteý kerektigin túsinemiz. Bizdiń startap arqyly kez kezgen qazaqstandyq kiltsózder arqyly ózine qajetti zańgerdi taba alady, - deıdi startaptyń ókili Andreı Ponomarev.
Startap ókiliniń aıtýynsha, platformada ár zańgerdiń ózindik reıtıngi bolady, bul qyzmet sapasyn arttyrýǵa kómektesedi.
Zan-Lab qyzmeti qoldanýshylarǵa tegin, al zańgerlerge aqyly bolmaq.
Resmı statıstıka boıynsha, qazaqstandyqtar ortasha eseppen jylyna 4 ret zańger qyzmetine júginedi. Máselen, 2022 jyly 347 myńnan astam jeke tulǵa advokat kómegin alǵan, 12 mln-nan astam notarıýs qyzmeti kórsetilgen. Al Qazaqstan boıynsha osy salada 28 myńnan astam maman jumys isteıdi.
«Adyrna» ulttyq portaly
