Äzerbaijan prezidentı İlham Äliev Hankendi qalasynda eldıŋ tuyn köterdı, dep habarlaidy "Adyrna" tılşısı "Azattyq radiosyna" sılteme jasap.
Äzerbaijan basşysy 15 qazanda Tauly Qarabaq aumaǧyna keldı. İlham Heidarūly aimaqtaǧy Sugovuşan su qoimasyn paidalanuǧa beru räsımıne qatysty.
Qojaly qalasynda, Şuşin audanynyŋ Malybeilı auylynda, Kiarkidjahan jäne Askeran kentterınde bolyp, Hodjala, Agdere jäne Qarabaqtyŋ basqa eldı mekenderınde Äzerbaijan tularyn köterdı.
Osylaişa, Äzerbaijan Qarabaqtyŋ tolyq egemendıgın qalpyna keltırdı.
Halyqaralyq qūqyq boiynşa Qarabaq Äzerbaijannyŋ bır bölıgı bolyp sanalady. Aimaq halqy negızınen armiandar bolǧan.
19 qyrküiekte Äzerbaijan bır kündık äskeri operasiianyŋ nätijesınde tanylmaǧan Tauly Qarabaq Respublikasynyŋ Ükımetın kapituliasiialauǧa mäjbür etken edı. Al Tauly Qarabaqtyŋ armian halqy quǧyn-sürgınnen qorqyp, üilerın jappai tastap kettı.
BŪŪ baǧalauy boiynşa, aimaqta bırneşe apta ışınde onda tūratyn 120 myŋ armiannyŋ myŋnan astamy qalǧan joq.
Al Äzerbaijan bilıgı tūrǧyndardy aimaqta qaluǧa şaqyrdy jäne Qarabaqtyŋ armian halqyn qaita bırıktıru turaly kelıssözder jürgızuge daiyn ekenın mälımdedı.
Ūqsas jaŋalyqtar
