16 qazan Qazaqstanda nan künı atalyp ötedı. Būl turaly Auyl şaruaşylyǧy ministrlıgı baspasöz qyzmetı mälımdedı, dep habarlaidy “Adyrna” ūlttyq portaly.
Būl kün 2019 jyly Ükımettıŋ qaulysymen bekıtılıp, astyq önımderınıŋ märtebesın nyǧaituǧa baǧyttalǧan.
Otandyq şarualardyŋ eŋbegınıŋ arqasynda elımız aitarlyqtai astyq resurstaryna ie jäne azyq-tülık naryǧynyŋ maŋyzdy qatysuşysy sanalady. Biylǧy jyl nan ösıruşıler üşın qiyn boldy. Alaida barlyq syn-tegeurınge, qolaisyz aua raiy jaǧdailaryna qaramastan, Qazaqstan ışkı naryqty bidaidyŋ qajettı kölemımen tolyq qamtamasyz ettı. Sondai-aq özınıŋ eksporttyq äleuetın de saqtaidy. Bügıngı taŋda respublika boiynşa astyq jinau nauqany aiaqtaluda, jūmystar 15,6 mln gektarǧa (90,2%) jürgızıldı. Ortaşa önımdılıgı 9,3 s/ga bolǧan kezde diqandar 14,6 mln tonna astyq bastyrdy. Mereke qūtty bolsyn, qūrmettı sala qyzmetkerlerı! Sızge jäne Sızdıŋ jaqyndaryŋyzǧa baq-bereke tıleimın!, - delıngen vedomstvo habarlamasynda.
Ūqsas jaŋalyqtar
