Qazaqstan aldaǧy bırneşe jylda et eksportyn ekı ese arttyrudy josparlap otyr, dep habarlaidy “Adyrna” ūlttyq portaly.
Būl turaly Qazaqstan Respublikasy auyl şaruaşylyǧy ministrlıgı vise-ministrı habarlady.
Amanǧali Berdalin DALA.CAMP et forumynda salanyŋ aldaǧy jetı jyldyq damu jospary bekıtılgenın aitty.
Soǧan säikes, ırı qara mal sany 8,2 mln bastan 12 mln basqa deiın köbeitılmek. Ūsaq mal sany 28 mln basqa jetkızıledı.
Sondai-aq et öndırısı 1,2 mln tonnadan 1,8 mln tonnaǧa deiın, al süt öndırısı 1,4 mln tonnadan 2,1 mln tonnaǧa deiın ūlǧaiady dep josparlanǧan.
Amanǧali Berdalin qoldanystaǧy qoldau şaralary jetkılıksız ekenın aityp, 2026–2030 jyldarǧa arnalǧan jaŋa keşendı jospar bekıtılgenın jetkızdı. Jospar aiasynda fermerlerge jyldyq 5–6% mölşerlememen jeŋıldetılgen nesie beru, alys jaiylymdardy igeru üşın qūdyq qazu jäne mobildı vagondar satyp aluǧa qarjy bölu, veterinariialyq qauıpsızdıktı küşeitu şaralary qarastyrylǧan.
Forum barysynda Turan mal ösıruşıler qauymdastyǧy töraǧasy Jänıbek Kenjebaev siyr etınıŋ baǧasy investisiialyq tartymdylyq üşın 10–12 myŋ teŋgege deiın jetuı mümkın ekenın aitty.
