Qazaqstan Işkı ıster ministrınıŋ orynbasary İgor Lepeha polisiia el azamattaryna Respublika künınde mitingı ötkızuge mümkındık bermeitının mälımdedı, dep habarlaidy «Adyrna» ūlttyq portaly.
Ūlysmedia mälımetınşe, ükımettegı brifing kezınde jurnalister ministrdıŋ orynbasarynan 25 qazandaǧy mitingke kelgen azamattardy taratu üşın elordaǧa elımızdıŋ aimaqtarynan qauıpsızdık küşterı tartylatyny jaily aqparat qanşalyqty şyndyqqa janasatynyn sūraǧan.
«Özderıŋız bılesızder, bır jerde äskeri kolonna ketıp bara jatsa – soǧys bastaldy, poliseiler sap tüzese – qandai da bır miting bolyp jatyr degen oi paida bolady. Bügın tek 17 qazan, kımnıŋ qaida bet alǧanyn, qandai şaraǧa daiyndalyp jatqanyn bılmeimın. 25 qazan – būl memlekettık mereke jäne, ärine, bız oǧan daiyndalamyz. Bız qyzmet atqarudyŋ küşeitılgen nūsqasyna köşemız», - dedı İgor Lepeha polisiia kölıkterınıŋ tızbesı Astanaǧa bet alǧan sätı beinelengen jelıdegı videoǧa tüsınıkteme bere otyryp.
Ol sondai-aq qazır IIM äkımdıkten josparlanyp otyrǧan merekeler boiynşa derekter sūrap otyrǧanyn atap öttı, öitkenı poliseiler adamdar köp jinalatyn oryndarda qoǧamdyq tärtıptı qorǧaudy qamtamasyz etuı kerek.
«25 qazanǧa arnalǧan ündeulerge keletın bolsaq, QDT müşelerın narazylyqqa şyǧuǧa şaqyryp jatyr, būl – Qazaqstan aumaǧynda qyzmetı zaŋsyz dep tanylǧan ekstremistık ūiym jäne, ärine, bız eşqandai mitingıler ötkızuge jol bermeimız», – dep qorytyndylady İgor Lepeha.
Qazaqstannyŋ demokratiialyq taŋdauy (QDT) – 2001 jyly Mūhtar Äbliazov qūrǧan qoǧamdyq-saiasi qozǧalys. 2018 jyly Astana qalasy Esıl audandyq sotynyŋ şeşımımen QDT ekstremistık ūiym retınde tanyldy. Ol äleumettık jelı arqyly 25 qazan künı eldı mitingıge şyǧuǧa ügıttep jatyr.
«Adyrna» ūlttyq portaly
