17 qazanda Helsınkıde Qazaqstan quramasy fýtboldan 2024 jylǵy Eýropa chempıonatyna irikteý matchynda Fınlıandııamen oıynda jeńiske jetti, dep habarlaıdy "Adyrna" ulttyq portaly.
Birinshi goldy 28-mınýtta fın fýtbolshysy Teılor Robert soqty. Ol aıyp dobyn oryndap, esep ashty. Oıyn tartysty ótti. Alaıda birinshi taım qazaqstandyq komandanyń qarsylastarynyń paıdasyna aıaqtaldy. Ekinshi taım taǵy da fınderdiń shabýylymen bastaldy. Degenmen jartylaı qorǵaýshy Baqtııar Zaınýtdınov 77-mınýtta esepti teńestirip, penaltıden gol soqty.
Odan keıin 90-mınýtta Zaınýtdınov qarsylastar qaqpasynyń alys buryshyn basymen soqqy jasap, qazaqstandyqtarǵa taǵy bir qýanysh syılady.
Kezdesý 2:1 esebimen bizdiń quramanyń paıdasyna aıaqtaldy.
Qazaqstan quramasynyń Eýro-2024 irikteý kezeńinde eki oıyny bar: 17 qarasha – San-Marınomen, 21 qarasha – Slovenııamen.
