«Bızdıŋ qyzmetımız – adamdardy qūtqaru»

1993
Adyrna.kz Telegram
https://adyrna.kz/content/uploads/2023/10/modern-and-minimal-company-profile-presentation-1-1.jpg

Bügın - Qūtqaruşylar künı. Qūtqaruşy – mamandyq qana emes, būl bırqatar käsıbıne berılgen azamattar üşın kädımgı ömır süru saltyna ainalǧan. Sonyŋ bırı Sätbaev qalasyndaǧy №2 ört söndıru bölımşesınde qarauyl bastyǧy bolyp qyzmet ısteitın Baǧlan Alşynbaevpen Egemen Qazaqstan tılşısı sūhbattasty, dep habarlaidy «Adyrna» ūlttyq portaly.

– Bızdıŋ qyzmetımız – adamdardy qūtqaru. Men 2009 jyl­dan berı osy saladamyn. Qa­tardaǧy ört söndıruşı bolyp kırgen edım, keiın bölımşe ko­man­dirı boldym. Byltyrdan be­rı qarauylǧa basşylyq jasai­myn. Qyzmetımızdı orynda­ǧanymyz üşın halyq alǧysyn jaudyryp jatady. Bıraq alǧys ornyna aiqai estıgen kezımız de bolǧan, – dep bastady äŋgımesın Baǧlan.
Örtenıp jatqan üidıŋ bır bölmesınde tütınge tūnşyǧyp ölım halınde jatqan, auzynan araqtyŋ isı müŋkıp tūrǧan jıgıt aǧasyn qūtqaruşylar syrtqa şyǧaryp, järdem körsetıp, aman alyp qalady. Sol sätte üidıŋ örtenıp jatqanyn estıgen älgı kısı­nıŋ äielı jūmysynan sūranyp keledı de, küieuınıŋ ölım auzy­nan aman qalǧanyn estidı. So­syn quanudyŋ ornyna aşuǧa berı­lıp, qūtqaruşylarǧa «Būl päle­nı nemenege qūtqardyŋdar? Öl­me­se nege ömırem qalmady?» dep kädımgıdei ūrsyp-ūrsyp tastaidy.
– Mūndaidy bırınşı ret köruımız ǧoi. Bärımız bırtürlı bolyp qaldyq. Söitsek, bız qūtqarǧan adam äielınıŋ tapqan-taianǧanyn araqqa salyp, janjal şyǧarǧannan basqa eşteŋemen şaruasy joq, äbden jüikesıne tigen jan bolyp şyqty, - deidı Baǧlan.
Qūtqaruşy ömırınde san türlı jaǧdailar kezdesedı. Ärine, adamǧa araşa tüsıp, ajal­dan, maiyp boludan qūtqa­ryp qalu – qasterlı mındet. Sol üşın de el alǧysyna bölenesıŋ. Baǧlan aitqandai, «aiqai» estıp qala­tyn kezder de bolady eken. Qūtqaruşylar ömırı sonysymen de qyzyq şyǧar, bälkım?

«Adyrna» ūlttyq portaly

Pıkırler