Qazaqstan Kompartiiasy Ortalyq Komitetınıŋ bırınşı hatşysy, Qazaq KSR Ǧylym akademiiasynyŋ akademigı, tehnika ǧylymdarynyŋ doktory Dınmūhamed Ahmetūly Qonaevtyŋ qūjattary memlekettık saqtauǧa berıldı, dep habarlaidy «Adyrna» tılşısı Egemen Qazaqstanǧa sılteme jasap.
Qazaqstannyŋ saiasi tarihy körınıs tapqan qūjattardy Dınmūhamed Ahmetūlynyŋ mūragerı, «Äuezov üiı» ǧylymi-mädeni ortalyǧynyŋ jetekşısı Diar Qonaev tapsyrdy. Osylaişa, Prezident Arhivı men Diar Ahmetov arasynda qūjattardy syiǧa tartu kelısımşarty jasaldy.
Prezident Arhivınıŋ direktory Äliia Mūstafina D.Qonaevtyŋ qūjattaryn ötkızuge şeşım qabyldaǧany üşın Diar Asqarūlyna alǧysyn bıldırdı. Memleket qairatkerınıŋ jeke qūjattaryn qabyldap alǧan arhiv direktory qūndy dünienıŋ retke keltırılıp, jüielenetının jetkızdı.

– Būl – Qazaqstan halqynyŋ ūlttyq merekesıne ainalǧan Respublika künımen tūspa-tūs kelgen ülken tarihi oqiǧa. Dınmūhamed Ahmetūlynyŋ baǧa jetpes mūrasy Prezident Arhivınıŋ qūndy qūjattar qataryna qosylady. Qūjattar arhivke berılgennen keiın ǧylymi saraptama jasalyp, olarǧa öŋdeu jürgızemız, sondai-aq keŋeitılgen ǧylymi-anyqtamalyq apparat kömegımen tolyqqandy tızımdemeler jasaimyz. Barlyq qūjatqa sipattama berılıp, olar memlekettık esepke alynady. Qūjattar negızınde Prezident Arhivınde Dınmūhamed Ahmetūly Qonaevtyŋ jeke tektık qory jasalady. Būl qairatkerdıŋ ömırbaianyn tolyq zerdeleuge mümkındık beredı. Sondai-aq el tarihyna jaŋa derekter men däiekter qosylatynyn bıldıredı, – dedı Äliia Mūstafina.Diar Ahmetov Arhivke tapsyrylǧan fotoalbomdar men hattardyŋ bır legı ǧana ekenın, aldaǧy uaqytta D.Qonaevtyŋ jeke arhivınde saqtalǧan özge de qūjattar, zertteu jūmystary men suretterı Prezident Arhivıne berıletının aitty.
«Būl qūjattar men fotoalbomdardy osy uaqytqa deiın közımnıŋ qaraşyǧyndai saqtadym. Prezident Arhivındegı qūjattardy saqtaudyŋ talaptary men şarttaryn körıp, ūnattym. Sondyqtan tarihi qūjattar qauıpsız ärı senımdı jerde boluǧa tiıs dep şeştım. Arhivke bergen hattar men fotosuretterdıŋ köpşılıgı eş jerde jariialanbaǧan. Būl – qūjattardyŋ bır bölıgı ǧana, aldaǧy uaqytta özge qūjattardy da Prezident Arhivıne ötkızemın», dedı Diar Qonaev.Prezident Arhivıne tapsyrylǧan otbasylyq jäne jūmys sapary barysynda tüsırılgen 80-ge juyq fotoalbom, qoljazbalar men hattarda qyzyqty mälımetter bar.