Astanada ötken öŋırlık ekologiialyq sammit qorytyndysy boiynşa tört qūjatqa qol qoiyldy, dep habarlaidy «Adyrna» tılşısı.
Atap aitsaq:
1. «Halyqaralyq Araldy qūtqaru qoryna Qazaqstan Respublikasynyŋ töraǧalyq etu barysy turaly» Halyqaralyq Araldy qūtqaru qory qūryltaişy memleketter basşylarynyŋ şeşımı;
2. «26 nauryzdy Aral teŋızınıŋ, Ämudariia men Syrdariia özenderınıŋ halyqaralyq künı dep jariialau jönınde» Halyqaralyq Araldy qūtqaru qory qūryltaişy memleketter basşylarynyŋ şeşımı;
3. «Halyqaralyq Araldy qūtqaru qorynyŋ Prezidentın sailau turaly» Halyqaralyq Araldy qūtqaru qory qūryltaişy memleketter basşylarynyŋ şeşımı;
4. Halyqaralyq Araldy qūtqaru qory qūryltaişy memleketter basşylarynyŋ Astana mälımdemesı.
Eske salaiyq, prezident Qasym-Jomart Toqaev Halyqaralyq Araldy qūtqaru qory qūryltaişy memleketter basşylary keŋesınıŋ otyrysyn ötkızgen edı. Būǧan deiın otyrysqa qatysuşylar Aqordaǧa kelgen bolatyn.
Memleket basşysy Qazaqstan men DDSŪ Aral öŋırı tūrǧyndarynyŋ äl-auqatyn jaqsartuǧa arnalǧan Jol kartasyn äzırlegenın habarlady. Sondai-aq Qasym-Jomart Toqaev Soltüstık Aral ekojüiesın qalpyna keltıru baǧytyndaǧy bırlesken jūmystyŋ oŋ nätijelerıne toqtalyp, su mäselesın öŋır elderı üşın özektı ärı halyqaralyq deŋgeide maŋyzdy ortaq taqyryp retınde qarastyru qajettıgın atap öttı.
