Shymkenttegi jekemenshik balabaqshalar jabylýdyń az-aq aldynda tur, dep habarlaıdy «Adyrna» ulttyq portaly 31 arnasyna silteme jasap.
Sebebi, mektepke deıingi bilim berý mekemelerine talap kúsheıgen. Budan bylaı balabaqshadaǵy beınebaqylaý kameralary polıııa departamentiniń júıesine jalǵanyp, kire beriske týrnıketter ornatylýy tıis. Biraq bul erejeni júzege asyrýǵa balabaqshalar áli daıyn emes. Memleketten ár balaǵa sýbsıdııa alatyn kásipkerler bilim basqarmasynan jańa erejege ózgeris engizýdi surap otyr.
Shymkenttegi 534 jekemenshik balabaqshanyń meńgerýshileri qazir tyǵyryqqa tirelgen. Jańa zańnama boıynsha endi bóbekjaıdaǵy beınekameralar tikeleı polıııa departamentine jalǵanýy kerek.
Sondaı-aq ǵımarattyń kire berisine týrnıketter ornatylýy tıis. Barlyǵyn oryndaýǵa bir aı ýaqyt berilgen. Biraq balabaqsha basshylary jańa erejeniń kemshin tustaryn jipke tizip, áli daıyn emespiz dep otyr.
«Serverde barlyǵyn qamtamasyz etýge oryn joq dep jatyr. 100% OO-ǵa qosylmaǵan. Jabylyp qalýy múmkin. Barlyq basqa talaptar oryndalyp jatsa, buǵan basqa jaǵynan zań qarastyryp kóremiz», – deıdi «Úzdiksiz bilim berý» qaýymdastyǵy fılıalynyń dırektory Dıana Qarmanova.
Mektepke deıingi bilim berý mekemeleriniń ıeleri baqylaý kamerasyn polıııa departamentine jalǵaý úshin 760 myń teńge kerek deıdi. Kásipkerler bul qarajat qaltamyzǵa salmaq túsiredi. Al, 1,5 metrlik týrnıkettiń 3 jáne 5 jastaǵy balalarǵa qajeti shamaly ekenin jetkizdi. Alaıda bul pikirmen bilim basqarmasynyń basshysy kelispeıdi.
«Balalardyń qaýipsizdigi basty nazarda. Sondyqtan árbir bilim berý mekemesinde qaýipsizdik jaǵdaılary jasalýy kerek. Ekinshi másele qazirgi qarasha aıynda ótetin aktýalızaııa boıynsha biz ony zańnamalyq turǵyda zańgerlermen sóılesip, sheshimin tabýǵa tyrysamyz dep ýáde berdim jańa», – Shymkent qalalyq bilim basqarmasynyń basshysy Nurgúl Shamshıeva.
Bilim basqarmasyndaǵylar kásipkerlerdiń narazylyǵyn týǵyzǵan zańnamany taǵy bir pysyqtaýǵa ýáde berdi. Balalardyń qaýipsizdigin qamtamasyz etý maqsatynda engizilgen ózgeristerdi balabaqshalardan bólek jekemenshik mektepter de júzege asyrýy tıis.
«Adyrna» ulttyq portaly
