Nūr-Sūltan qalasynyŋ tūrǧyny 2 jasar qyzynyŋ balabaqşaǧa baryp, soqqyǧa jyǧylǧanyn mälımdegen. Tūrǧynnyŋ sözınşe, qyzyn tärbieşı ūrǧan. Ony ata-ana beine baqylau kamerasynan körıptı, dep habarlaidy “Adyrna” ūlttyq portaly Astana arnasyna sılteme jasap.
Nūr-Sūltan qalasynyŋ tūrǧyny Marina Auşenova älı ekıge de tolmaǧan qyzyn jekemenşık balabaqşada tärbieşılerdıŋ aiausyz ūrǧanyn aitady. Ädettegıdei balasyn baqşaǧa aparǧan ol keşke üige kelgende "qyzymnyŋ türın körıp şoşyp kettım" deidı.
"Menıŋ qyzym kışkentai, ekıge de tolmaǧan. Söilei de almaidy. Sol künı balabaqşadan keşkısın alyp qaittyq, üige kelıp şeşındırıp jatsaq, qolynyŋ barlyǧy kögergen. Eŋ qorqynyştysy moiyny bolatyn", - deidı balanyŋ anasy Marina Auşenova.
Marina qūzyrly oryndarǧa şaǧymdanǧan. Qorǧauşynyŋ aituynşa, ıs qarqyndy jürıp jatqan joq. Qoldarynda dälel retınde beinekamera jazbasy bolsa da, jıpsız bailanyp otyrǧanyn aitady.
"Sot aldy qaǧaz jazdyryp aldy. Sotqa deiın eşqandai aqparat taratpau turaly. Sondyqtan tolyq mälımet bere almai otyrmyz. Bıraq ıs älı toqtap tūr. Al bız ol videony jariialasaq, bızge qatysty qylmystyq ıs qozǧalady", - deidı qorǧauşy İnara Jabaǧybaeva.
Būl jaǧdai özge ata-analardy da alaŋdatyp otyr. Aitularynşa, būǧan deiın balabaqşada osyndai oqiǧa bolǧan. İrina Nuralinanyŋ balasynyŋ bırneşe ret erını jyrylyp kelgen. Oǧan asa män bermegen körınedı. İrinanyŋ sözınşe, būl jaǧdaidan keiın ūlyn balabaqşadan şyǧaryp alǧan.
"Men būl jaǧdaidy estıgende aryz jazyp balalarymdy şyǧaryp aldym. Marinanyŋ qyzynyŋ fotosuretterı men videolaryn körıp, ündemei otyra almadym. Sol künı barlyq ata-anany jinap, akt zalynda jinalys jasadyq. Tärbieşı ol kezde älı jūmys ısteitın, sol kezde ata-analardan keşırım sūrady", - dep mälımdedı ata-analardyŋ bırı İrina Nuralina.
Al mektepke deiıngı tärbie ornynyŋ direktorynyŋ aituynşa, tärbieşıge qataŋ sögıs berılgen. Onan keiın jūmystan quylypty.
"Bolǧan oqiǧaǧa bailanysty tärbieşıden tüsınıktıme alynyp, hattama toltyryldy. Tärbieşı qazırgı kezde 52-bap, 4-tarmaǧy boiynşa jūmystan quyldy", - deidı balabaqşa direktory Gülnazym Bestübaeva.
Sondai-aq qūzyrly organ jäbırlenuşınıŋ aryzy boiynşa qylmystyq ıs qozǧaǧan
"Jäbırlenuşınıŋ aryzy boiynşa Almaty audandyq polisiiasymen sotqa deiıngı tergep-tekseru amaldary jürgızılude. Nätijesı boiynşa prosessualdyq şeşım qabyldanatyn bolady", - dedı Nūr-Sūltan qalasy Polisiia departamentınıŋ baspasöz qyzmetınıŋ jetekşısı Elmira Şäulenova.
Balabaqşalardaǧy bylyq azaiar emes.
“Adyrna” ūlttyq portaly
