Memleket jäne qoǧam qairatkerı, professor Myrzatai Joldasbekov jazuşy Aqseleu Seidımbektıŋ jūmbaq jaǧdaida qaitys bolǧanyn aitty, dep habarlaidy "Adyrna" tılşısı.
Ǧalymnyŋ "Aiqyn" iutub arnasynda şyqqan sūhbatynda Aqseleu Seidımbektıŋ qazasyn "eŋ ülken qaiǧy" dep ataǧan. Qairatkerdıŋ sözınşe, būl qaza - bükıl qazaqtyŋ basyna tüsken auyr qaiǧy. "Aqseleu Marǧūlannan keiın kışı Marǧūlan deimın. Aqseleu qaitys bolǧanda, qabyrǧam qausady. Euraziia universitetıne rektor bolyp kelgende, eŋ bırınşı sälem bergen - Aqseleu. "Qaida jürsıŋ" desem, "Prezident mädeniet ortalyǧynda" dedı. Jurnalistika kafedrasyna bastyq qylyp qoidym. Aqseleu Qoişyǧara ekeuı ünemı qasymda jürdı. Bır sät qasymnan qaldyrǧan emespın. Ätteŋ, Aqseleu. Ätteŋ, Aqseleuım. Auruhanaǧa baryp, qaralyp jatyr edım, İmanǧali zvondady. "Myrzeke, sūmdyq bolyp jatyr. Ahaŋ qaitys boldy" deidı. Tastai salyp keldım. Nesıpbek ekeuı jaiǧastyryp qoiypty. Üiınde jalǧyz bolǧan. Özıne qol salǧan. Myltyqpen auyzǧa salyp, tas talqanyn şyǧaryp atyp jıbergen. Neden boldy, qalai boldy, būl jaǧyn bılmeimın. Sondai opynatyndai eşteŋe joq siiaqty edı. Qaida barsa, el syilaityn Aqseleu edı. Keiıngı kezde qazaqtyŋ basyna qonǧan ülken qaiǧy dep oilaimyn", - deidı ol sūhbatta. Eske salaiyq, etnograf-ǧalym, filologiia ǧylymdarynyŋ doktory, professor, QR Memlekettık syilyǧynyŋ iegerı, Qazaqstan Jazuşylar odaǧynyŋ müşesı Aqseleu Seidımbek 67 jasqa qaraǧan şaǧynda, 2009 jyldyŋ 16 qyrküiegınde ömırden ozdy.Ūqsas jaŋalyqtar
