Atyraý munaı óńdeý zaýytynyń burynǵy bas dırektory Shýhrat Danbaıǵa qatysty shyqqan aqtaý úkimi óz kúshin joıdy. Bul týraly Joǵarǵy sottyń qylmystyq ister jónindegi sot alqasy aıtty, dep habarlaıdy «Adyrna» tilshisi.
Sheshim 2023 jyldyń 10 qazanynda shyqqan.
Bas prokýror óz shaǵymynda burynǵy dırektorǵa qatysty is barysynda qylmystyq is júrgizý zańdarynyń durys qoldanylmaǵanyn atap ótti. Sondaı-aq ol sot qorytyndylary istiń naqty mán-jaıyna saı kelmeıtinin málimdedi. Osy jaǵdaılarǵa baılanysty sot aktisiniń kúshi joıylǵan.
Eske salaıyq, Shýhrat Danbaı munaı óńdeý zaýytyn 2019 jyldyń aqpanynan 2021 jyldyń shildesine deıin basqarǵan edi. Ol 2019-2020 jyldary «Munaıdy tereń óńdeý kesheniniń» qurylysy kezinde merdigerden jetkizilgen aqaýly jabdyqtyń qunyn talap etý boıynsha sharalar qabyldamady jáne olardy aýystyrýdy talap etpedi dep aıyptaldy. Saldarynan kásiporynǵa 2,9 mıllıard teńgeden astam shyǵyn keltirilgen.
Alaıda osy jyldyń mamyrynda Atyraý qalalyq №2 soty Shýhrat Danbaıǵa qatysty isti qaıta qarap, aqtaý úkimin shyǵarǵan bolatyn.
