Äleumettık eŋbek jäne halyqty äleumettık qorǧau ministrlıgı Kostenko atyndaǧy şahtadaǧy jarylystan qaza tapqan on jetı kenşınıŋ otbasyna järdemaqy taǧaiyndaǧanyn mälımdedı, dep habarlaidy “Adyrna” ūlttyq portaly.
Aqparatqa säikes, qaitys bolǧan 46 kenşınıŋ 21-ınıŋ qamqorlyǧyndaǧylarǧa äleumettık qoldaudyŋ kelesı türlerı körsetıledı:
1. Respublikalyq biudjet qarajaty esebınen asyrauşysynan aiyrylu jaǧdaiy boiynşa memlekettık äleumettık järdemaqy.
Osy järdemaqynyŋ mölşerı qaitys bolǧan adamnyŋ asyrauyndaǧy adamdardyŋ sanyna qarai aiqyndalady jäne olardyŋ ai saiynǧy mölşerı 37 322 teŋgeden (1 balaǧa) 111 560 teŋgege deiın (5 balaǧa) bolady.
Järdemaqynyŋ būl türı 8 jasqa deiıngı bala kütımın jüzege asyratyn jūmys ıstemeitın analarǧa da taǧaiyndaldy.
2. Memlekettık äleumettık saqtandyru qorynyŋ (būdan ärı – MÄSQ) qarajaty esebınen asyrauşysynan aiyrylu jaǧdaiy boiynşa äleumettık tölem.
Būl tölemnıŋ mölşerı qaitys bolǧan adamnyŋ tabysy men onyŋ äleumettık saqtandyru jüiesıne qatysu ötılı negızınde anyqtalady. Tölemder mölşerı aiyna 56 myŋ teŋgeden 272 myŋ teŋgege deiıngı aralyqty qūraidy.
Qoldanystaǧy zaŋnamaǧa säikes asyrauşysynan aiyrylu jaǧdaiy boiynşa tölemder balalar 18 jasqa tolǧanǧa deiın, al joǧary oqu oryndarynda kündızgı bölımde oqyǧan jaǧdaida 23 jasqa deiın tölenetının esterıŋızge salamyz.
Aita ketu kerek, järdemaqylar men äleumettık tölemder qaitys bolu turaly kuälık negızınde taǧaiyndalady. Būl baǧyttaǧy jūmys jalǧasuda jäne QR Eŋbek jäne halyqty äleumettık qorǧau ministrlıgınıŋ, MÄSQ jäne «Azamattarǧa arnalǧan ükımet» memlekettık korporasiiasy» KEAQ baqylauynda.
