Qostanai oblysynda balalar mıngen avtobus örtenıp kettı. Būl turaly oblystyq tötenşe jaǧdailar departamentı aitty, dep habarlaidy «Adyrna» tılşısı.
Arqalyq-Torǧai baǧytyndaǧy jolmen kele jatqan tört avtobusta 77 adam bolǧan.
«Bügın saǧat 09:00-de Mirnyi auylynan 15 şaqyrym jerde «Gaz 322131-288» kölıgı örtendı degen habar tüstı. 66 oquşy, 3 volonter, 6 mūǧalım, 1 medisina qyzmetkerı, 1 inspektor mıngen tört kölık auyl oquşylaryna arnalǧan «IQanat» olimpiadasyna bara jatqan. Jürgızuşı men oqytuşylardyŋ üilesımdı jäne dūrys äreketterınıŋ arqasynda 12 oquşy, 1 jürgızuşı, 1 oqytuşy janyp jatqan gazelden evakuasiialandy jäne qalǧan 3 kölıkke köşıp, kolonna qūramynda jürudı jalǧastyrdy»,—dedı basqarmanyŋ baspasöz qyzmetı.Tötenşe jaǧdailar departamentı barlyq jolauşynyŋ aman-esen syrtqa şyǧyp ülgergenın aitty. Zardap şekkender joq. Ört elektr symdarynyŋ qysqa tūiyqtaluynan tūtanǧan.
Ūqsas jaŋalyqtar
