Qostanaidaǧy maşina jasau zauyty öz jūmysşylaryna arnap jataqhana salyp jatyr. Sonymen qatar mūnda är qyzmetkerdıŋ bılıktılıgın köteruıne jaǧdai jasalǧan, dep habarlaidy «Adyrna» ūlttyq portaly Qazaqstan ūlttyq arnasyna sılteme jasap.
Bügınde Qostanaidaǧy maşina jasau zauytyndaǧy jūmysşylar sany 3 myŋnan asqan. Sonyŋ 1700-ge juyǧy jas mamandar.
Darhan Saǧymbai:
Bız mūnda jūmys ıstep, qosymşa dualdı türde qaşyqtan oqyp jatyrmyz. Diplom alǧasyn osynda jūmys ıstep qaluǧa jaǧdai jasalǧan.
Qyzmetkerlerdıŋ bılıktılıgın köterıp qosymşa bılım aluyna arnaiy baǧdarlama daiyndalǧan. Sonyŋ negızınde olar tek elımızde ǧana emes, şetelderde de oquyna bolady. Önıdırıske bolaşaq kadrlar daiyndau üşın jergılıktı oqu oryndarymen ärıptestık qatynas jolǧa qoiylǧan.
Säniia İmentaeva, Joǧary injenerlık mektebınıŋ basşysy:
Qostanai mektebınde Alliur speis kabinetın aştyq. Maqsaty - bılıktı injenerlık kadrlardy mektep aiasynan bastap daiyndau. Avtomobil kolledjınde käsıbi bılıktılık ortalyǧyn aşamyz.
Jūmysşylardy tasymaldau, tüskı as tegın. Sportty damytuǧa da basa män berıledı. Yntalandyru maqsatynda eŋbek ötılı artqan saiyn qyzmetkerdıŋ jalaqysy da köbeiedı.
Älıbek Qūsaiynov, «Allur» käsıpornynyŋ äkımşılık mäseleler jönındegı direktory:
Medisinalyq klinikalarǧa qaraluyna bızdıŋ jūmyskerlerge jeŋıldıkter qarastyrylǧan. Balalar ortalyǧyna balalaryn aparsa da solai.
Biyl zauyt janynan qyzmetkerlerge arnalǧan toǧyz qabatty jataqhananyŋ qūrylysy bastaldy. Ǧimarat keler jyly paidalanuǧa berıledı. Sonymen qatar, aldaǧy uaqytta balabaqşa nysanyn salu josparda tūr.
https://youtu.be/ua9pymOIjDU?si=tjhyOFo5JissgMTA
Däurenbek Äbdıbek
Ūqsas jaŋalyqtar
