Aqtöbe oblysynda qyzyl kıtapqa engen aǧaştar otynǧa kesılgen, dep habarlaidy "Adyrna" portaly QR IIM TJK baspasöz qyzmetıne sıltep.
«7 qaraşada Hazıret auylynyŋ maŋynda tırkemesı bar ekı traktor toqtatyldy. Auyl şaruaşylyǧy tehnikalarynyŋ tırkemelerıne Qazaqstannyŋ Qyzyl kıtabyna engen jäne memleket qorǧauynda tūrǧan sirek kezdesetın aǧaştardyŋ tielgenı anyqtaldy», - dedı polisiia habarlamasynda.
53 jäne 56 jastaǧy ekı auyl tūrǧyny kölık jürgızgen. Aitularynşa, özen jaǧasyndaǧy aǧaştardy kesıp, otynǧa paidalanbaq bolǧan.
Qazaqstan Respublikasy Qylmystyq kodeksınıŋ 339-baby «Sirek kezdesetın jäne qūryp ketu qaupı töngen türlermen, sondai-aq ösımdıkter men januarlardyŋ tyiym salynǧan türlerımen, olardyŋ bölıkterımen nemese derivattarymen zaŋsyz ainalysu» babynyŋ 1-bölıgı boiynşa qylmystyq ıs qozǧaldy. Tiıstı saraptamalar taǧaiyndaldy», - delıngen habarlamada.
Ūqsas jaŋalyqtar
